MAZMUR 32:4 - Allah Wene Fano Wene Hupla Inane

⁴ Neisena Tuhan nen he, hup hundik lingge hundik wene noba fugu were'ma, mo aigen yi mene ti mene yago mene puget fikherek andi hak, namusu palhi lagagin.

MAZMUR 32:4 Referans Kwoze

1 SAMUEL 5:11

A'nogo isukwasik he, inogogwi kaindek omanogo andogosi wesuagaluk inayonggo fesukwama, wagaukwama re, mel yagaisasukwa: ”Nit ninebe inom, ninagainafuri inom, ninoasinogo iluk, afuni Israel mene ineisena nen Peti Wene Warogo woginafikhe, iluk hilingik mene andi, attak welagaikheba ambotkwe lakfeino o,” iluk yagaisasukwa. A'nogo yagaisasukwa hak he, Allah nen afuni o kota andoma welagaikharek mene omanogo mondogat wene weak mene inoba fesikhemo re, inane mondok hokhorogo sagalik lagaukwa.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

AYUB 33:7

Arigini'mo re an nen mabenet hobagagin lek enggere haren an faget hailo asu fuk.

RATAPAN 5:10

Nit he ninamburu nele nen anggolorogo hugu were'ma, nit ninagap he endu aigen hakhogo hundugut nisili'lago.

RATAPAN 4:8

Oba nen yogondak it inelokhe re no helangasin he we endep harek hak oba nen mondogat sing elemik hilinglagaikha, it inebere afuni ebekhe kwe werek mene nen futfisa hak. It inagap he e puk mene hak inoak oba to'morogo iring paringhogo hilingik.

AYUB 30:30

Nagap he mondogat wul-palurogo hilingla'luk he nebe enggen wokhigik laga-lagi, nebene aganhan nen he, nebe mondogat endu na hak hilingnabi'lago.

AYUB 16:21

Ap ekhe we it inagaila'lak eberogo mene nen inendawi fanoba inebikhit agaikharesik telinafarek hak he, we At Allah amu nen enek At onggwarek elokhoma nenat nebikhit a'luk nili wo'nabuak agwi!

1 SAMUEL 6:9

A'nogo lagu kwelek hineil wanino o. A'nogo hineil wanhunem, peti andi waluk aiba o kota Bet-Semes higit pikhit lagu halok he, wene mondok weak mene andi afuni Israel mene ineisena Allah nenat ninoba lakfei wagama higi, iluk futfogoin o. A'nogo meneat he, kwe amukwe kwanirogo lagu halok he, wene andi Allah nen ninoba lakfei wagi'lek, we, erabisagat ninoba agama, iluk nit futfogoin aro,” iluk yagaisasukwa.

1 SAMUEL 5:9

A'nogo fei lagaukwa meneat he, peti a'nogo o andoma fei lagu kwelek inenggi andibaat, nineisena Tuhan nen afuni o kota andoma mene wene inoba fesikhesik, yenggerugwi inom, inaluendek inom, mondogat inebene tuk-tugengge hilinglasuageluk inoba fesikhe, a'nogo fugunem inailo nen inane mondok hokhorogo sagalik lagaukwa.

RUT 1:13

hiren it inebe inalue agu kwelek elok nenangorinafi logogun anggegeba? Mondok elo'lego o. Hit ap hunogo mene ekhe woginafi'lek logogun elo'lego, neagwi. Neisena Tuhan nen ambot wo'netemo weak welagi andi nen he, hit nendawilago,” iluk yagaisasikhe.