MAZMUR 30:11 - Allah Wene Fano Wene Hupla Inane

¹¹ Tuhan neisena, nane hesanggo holnabimbik he hendawitnabin, Haren an nebe lebetnabin!

MAZMUR 30:11 Referans Kwoze

YEREMIA 31:4

Hit hinunggulenu mene re attak hilingik welagagip hakhogo An nen enu lego logouwageluk hilingisogo fagain o. Hiren he nekhengge pinggong rebana waluk he hinagaiyek oba wuni wati logogun.

YESAYA 25:8

Tuhan Omame Mondok Hokho mene a'nogo nen he wa'lagaikharek mene a'nogo mondok-mondogat lek hilingisogo fagain! Aren he afuni inelokhe lombok it ineil amusu mondogat terinabigin. Nen, At againafuri o kweangma yoma nen sebelogo fisugunem welagaikharek mene omanogo inoba nen waganogo lakfisagain. Tuhan nen hilingisigin iluk ane mondogat ikhe mene andi re eberogo nenat hilingisigin.

PENGKHOTBAH 3:4

Allah nenat he, o ti sambul le asuwak, nen, ti sambul endo asuwak anggigik, nen o ti sambul fong watik, nen, ti sambul inendawimo haien wuni watik, uwak anggigik.

2 TAWARIKH 20:12

Nineisena Allah re, we Hat hamuat! Nit he niren hilingisu elo'lek mene nek agama re, Haren lebe'nisan iluk Hat hambit wagoma re, niren ap tentara hokho-pokhorogo andoma nen nit noasuogeluk hilingitunem nit he ninomame legen he, haren it unggum wogisan,” iluk samban isikhe.

MAZMUR 149:3

Mulugeti logolik At enu fogera'ni, hiren no kecapi inom, rebana inom oba fogera'ni!

MAZMUR 150:4

E anggwe folelogo tunget hugunem hinabunugetik, pinggong oba hu'lenggen wuni watik, ikhi logolik At ebe fogerati logouwok.

LUKAS 15:22

A'nogo yagatikhe meneat he, at eisena a'nogo nen amingmingengge mene omanogo yagaisikhi logolik he, mel yagaisasikhe: Lambik he, su fano mene a'nogo waluk weak-weak labetfei wagik, senggan fano mene enggimo ikfei wagik, sepatu eiso'ma ikfei wagik, weak-weak ini o.

MAZMUR 30:5

Yago, hit At againafuri mene At oba tiphogo nek hilingiti lagep mene re, Tuhan obaget wuni fogeratu awuni nek wulak fuluk fogerati logoni, nen At Mondok Horek mene andi nek hai wati logoni.

2 SAMUEL 6:14

A'nogo noletikhesik wagaikhesik he, at Daud su linen horok mene obakhe hele pukhogo homakfesikhesik, wuni eisena Tuhan fogararik agaiyekhogo warik wagaikhe.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

MAZMUR 4:7

Afuni hokhorogo nen heinok wok-wok aga logolik he, ”Ap sa nen nit fanot ninobagagin nogo?” iluk ili'lagwi mene andoma re Tuhan neisena, we Hat haselek a'nogoba nek selegetninafi logoino, neisena.

YOHANES 16:20

Hobuk hit hinendawimo nen he li le aga logogun meneat he, it afuni kweangma mene inendawimo inagaiyek asigin o. A'nogo meneat he, hit hinendawimo weak logogun mene andi, hobuk fano agunem hinendawimo hinagaiyek hokhorogo asigin o, iluk eberogoat yagahisigi.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

2 TAWARIKH 20:9

weak hilingitu mene onggo re, aben weim inoasi lagik, ou amben weak mene inoba asi wagik, sumburu ouwak lagagik, hilingfisugunem iren Hat hambit we'luk o wene kabogetuba faget wurik mene yi elokhoma menlasi wagu aple andi faget he, irogo inelurek. It inoba enggin agu halok he Hat hoba samban ugunem, Hat hesanggo holuk leberisikhi lagen.

YESAYA 25:3

Inunggulenu ekhe mene-ekhe mene inomame werek mene omanogo nen he fogethafi logogun, kota-kota inunggulenu lombok inanini weak mene werekwe omanogo nen he inailothafi logogun.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

KEJADIAN 45:28

A'nogo anggasikhesik aren ikhi logolik, ”An namlogo Yusuf he eluk werek andi, enggere an nebe oan wa'lagi'le'ma yaat lambik neilenggen ha lagain.” iluk anggasikhe.

KEJADIAN 37:35

A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.

2 TAWARIKH 20:3

A'nogo yagasi lagaikhemo re at Yosafat a'nogo endawimo ailo agaikhesik he, Tuhan nen yi'nogo hilingisin yaganesuageluk samban isikhe. Andi nen it afuni mondogat a'nogo sumburu ninggik legengge inambe heang logouwageluk yagaisasikhe.

MAZMUR 27:7

Tuhan neisena, an nane Hat hoba yagahetu halok he, nane hesanggo holnafi logoino o. Hendawi nealuk onggo yaganeti logoino.

YEREMIA 52:33

At he, hele warogo logolik, asu laberek welagaikhe mene omanogo nonggologo herakfisaluk he, amu mene elok labesu hak welagaikhe, at ebe logolik andoma re, hun raja aiba omanogo sumburu ninggik, uang at ebe eluk logolik oba yi mene ti mene at endawimo amolo anggugu mene huniroageluk hundik-hundik wogetu mondok welagaikhe.