MAZMUR 3:5 - Allah Wene Fano Wene Hupla Inane

⁵ An nen nane ninghogo Tuhan yagatunem he, At Andom horek meneba omanogo nen nane onggo yaganeri'lago.

MAZMUR 3:5 Referans Kwoze

MAZMUR 4:8

Afuni nen inangge enggen palikhi logolik inendawimo inagaiyegetarek mene andi re maben hak oba nen he, an he nendawimo Haren mondok nagaiyek hokho mene kwelaknobagakhi lagen.

AMSAL 3:24

Haren hailo legengge laluk nogokhi logogin, nen hup inukhogo nogo hobabe lekhogo nogokhi logoginat.

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

IMAMAT 26:6

An nen mene olomene anini weak mene hit hinanggweang oba nen legetfisamo re, hit hinoba weim yafu mene ekhe logogin lek. An nen hit hinoba hinamel-mel lekhogo hilinghinobagaumo re, hiren hinaiba andoma amu meneba ekhe hinailo lekhogo nogokhi logogun.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

MAZMUR 127:2

Allah againafuri endawi hundik welagaikharek mene it inebe nogo ugu kwelek, Aren nogoin mene waganogo fouget fikherek andi nen he, it afuni ekhe nunggu mene faget herarik, hup siakhogo wulibluk he, yabu hokhorogo hilingirik nikharek. Hilingirik laga la'luk he o hubanggo kwi wagaikharek, a'nogo hilingitarek andire we alomarogo hilingitarek.

AMSAL 14:26

Ap Tuhan oba inailorogo logogun mene re ineluk fanorogo logogun, At Tuhan nen ap andi againafuri inom awea'ma fisaluk ferinarek logogin.

MAZMUR 66:9

Nit ninebe nineluk mondok logouwageluk he Aren kagalninarek werek, Nineisok peikhogo waroageluk oboget nisikherek lek.

KISAH PARA RASUL 12:6

Samban a'nogo ugu kwelek he, at Herodes nen ohealekwe re Petrus ebe waganogo afuni inenggiba feigeluk endawimo anggasikhesik, oan werek kwelek he, o andi sambul hubanggo, ap tentara mene omanogo, it inebe ekhe kweba kagalek werek kwelek, inebe pire ekhe Petrus enggi fena-fena hele homago nogo ugu kwelek, it abel fena-fena logolik hele elugun inenggiba kelogo welagaukwa.

MAZMUR 34:5

An nailo hokho logolik, telnabuagaluk Tuhan ayonggo fugunem, Aren fano telnaferek.