MAZMUR 26:12 - Allah Wene Fano Wene Hupla Inane

¹² A'nogo nobagagin oba re yi mene ti mene andomaba nen an nailo legengge nambong serogo welagik, nen it afuni Hat hagainafuri mene inebe hokhorogo kabok se'ma andoma nen an nen Tuhan fogethafik, ikhi logogin o.

MAZMUR 26:12 Referans Kwoze

MAZMUR 27:11

Tuhan neisena, an naselei mene re inebe hokho pokhorogo werek andi nen he, Hat hendawimo nen an nen hilingi'lep anggikhi lagen mene andi re an inukniigik, kwe higithogo lagaikharek meneba halogo nobagai lagik, in o,

MAZMUR 111:1

At againafuri inebe andogore'ma inanggele'ma omanogo nen, an nendawinggen oba nenat neisena Tuhan hai wati lagi.

MAZMUR 40:2

An nendawinggen hambuk haluk logolik Tuhan nen lebetnabi wesuageluk nenangorogo were'ma, Aren an nebe fut nobagagik, nane esanggo holhik, ikherek.

AMSAL 10:9

Ap higithogo hilingiterek mene re ebe ailo legengge werek, oba nen ap labelogo hilingiterek mene re hobuk weinam agarek.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

IBRANI 2:12

Aren Allah yagati logolik: ”An nen Hat hebe faget nerugwi nagaila'lak yagaisigik, againafuri andogotarek mene omanogo inanggele'ma logolik, fogethafik, ikhi logogin o,” iluk yagatikhesik,

MAZMUR 122:4

Nineisena Tuhan nen he, ”Hit yi'nogo waga logoino,” iluk isikhe higithogo, At againafuri Aren wenaginafe mene inunggulenu lombok hai wati logouwogeluk o yoma waga logogun.

MAZMUR 107:32

Allah againafuri andoget fuluk, at enu esinet fikhi logouwak. It majelis inaluendek omanogo andoget fuluk At fogerati logouwak.

MAZMUR 26:7

nen legeisogo hobagauwageluk Haren elalin hilingiti lagen mene andoma fagetik, Hat hobaget yi mene ti mene warogo nolhuba mezbah era'lukwe masetik, ikhi lagi.

MAZMUR 68:27

”Allah againafuri andogore'ma inanggelekwe andoma nen Arenek fogerati logoino, At Yakub en tagomangge mene andoma hinebe mondogen hineisena Tuhan enek fogerati logoino!” ilik laga lagaukwa.