MAZMUR 24:1 - Allah Wene Fano Wene Hupla Inane

¹ Kweang inom, yi mene ti mene mondogat oba welagorek mene inom, eisewerek ebere, nineisena Tuhan Allah amu welagarek.

MAZMUR 24:1 Referans Kwoze

MAZMUR 89:11

Harenat he, Rahab anini mondok weak mene i laut elema welagarek mene a'nogo unggul sagalogo fegen. Nen Hat henggi omameba re it haselei mene omanogo inomame leget fisikhi lagen.

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

AYUB 41:11

Afuni ekhe nen at ebe wasuogeluk ugunem, aren aigen libilinafi'lek kamo u hak nogo? Mondok elo'lego. A'nogo hilingiterek andi nen, afuni kweangma mene mondogaren at ebe fakfou re, elo'lego.

ULANGAN 10:14

Pogot abel ambolkwe welagarek andi nineisena Tuhan Allah mene aro. Nen kweang ebe inom, yi mene ti mene oba welagarek mene mondogat inom, At meneat werek.

KELUARAN 9:29

A'nogo yagaisasikhemo, at Musa nen at raja yagati logolik: ”Haren he, kweangma yoma eise re, hit hineisena Tuhan andi aro, iluk futfeinogoluk, an weak-weagat o sili hokhoma nen enda'ma wulifi logolik, nenggi liakfembik, Tuhan samban oba yagati halok, meiso sogenggen unggunggu ane pakhogo nili'lago mene andi legasigin o.

KELUARAN 19:5

Hit yogondak an nane hologo wene wathisasigi mene andi higithogo hilingitep halok he, hit he, an nagainafuri hinale'ma kenghogo wokhinabigin o. Afuni kweangma mene mondogat he, inebe an mene. Meneat he, hirenek he, hinebe an nendawinggen hundik mene hilinglasimbik

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

MAZMUR 50:12

Kweang inom nen kweang elonggoma kwalek werek mene oma inom he, An meneat hilingi'mo re, An nendawimo nele agu halok he, An ti mene nele, iluk hit hinoba yagahisamo re elo'lego.

DANIEL 4:25

Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.

MAZMUR 98:7

I laut inom elonggoma welagarek engge andoma inom ane mondogat uak, nen kweang inom it kweang amboloba welagarek engge andoma inom ogo inabolok uak enek.

1 TAWARIKH 29:16

Nineisena Tuhan Allah, yi mene ti mene onggo werek engge nek kabogeto mene yi re, niren o Hat hobaget misik ekhe wut fuluk, Hat henu mondok horek welagen mene a'nogo halong anggaluk legeisogo hobagakhi logogun nen, kabogeto o. Oba nen he mondogat yi re Hat henggiba nen nit helogo mene hilingi'mo re, andoma Hat hangge mene nek.

2 TAWARIKH 25:9

A'nogo yagatikhemo re at Amazia nen heinok wokhikhi logolik he, ”An nen perak it wogisigi mene andoma re ninggin lasigin?” iluk heinok wokhasikhemo re at nabi a'nogo nen onggo yagati logolik he, ”Haren it wogisegen mene andem he we endep harek oba nen he, At Tuhan nen ekhe inom seberogoat honggwarek wokhesu hak,” iluk yagatikhe.

AYUB 34:13

At Allah re omame hokho mene andi re sa nen wogotarek anggegep? O kweang yire ap sa nen halhi logoin iluk oba fikhe anggegep? Mondok lego.

AYUB 41:3

I a, athe, at enggi hele homago mene haren fikhalogo fouwageluk ane elagaik ane yagaheti logou hak nogo? Athe, haren endawirasuageluk ane liokhogo yagahesu hak nogo?

MAZMUR 50:10

Yi wam ti wam yi mene ti mene enggama welagarek mene andoma re An mene nek werek, nen elokhe yinik yunik o tomkwe welagarek mene andoma mondogat he An mene nek welagarek.

MAZMUR 89:12

Pogot inom kweang inom andi eisere Hat honggwaregat welagen, Kweang ebe inom yi mene ti mene oba werek engge andoma inom mondogat he Haren enek elalogo fesiginmo werek.

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.