MAZMUR 22:10 - Allah Wene Fano Wene Hupla Inane

¹⁰ Harenat an nagaisa alabutmo nen wulak nobagai wagagindik, nagaisa agoumo fanorogo fetnarek logouwageluk hilingnobagasigin.

MAZMUR 22:10 Referans Kwoze

GALATIA 1:15

A'nogo meneat he, Allah obabut fano a'nogo nen attagat nagaisa alabutmo nen oan ta'nafi'lek werek kwelegat he, nebe wena'nafikhe.

YEREMIA 1:5

”An nen hat hagaisa alabutmo oan a'ma asuageluk hilingiti'lek werek kwelek, nen hat hebe oan ta'lagi'lek werek kwelek, An nen hat hebe nabi yi afuni ti afuni inunggulenu lombok welagaikharek mene inobaget logouwageluk wenagaisogo hobagagirik menhobagagi o,” iluk yaganete.

YESAYA 49:1

Hit afuni yi awi ti awi yat-yat kwe welagep mene andoma nen An nane yagahisikhi lagi mene yi hinesanggo holfuluk, fanorogo hilingiti logoni o. An nebe oan ta'lagi'lek werek kwelek Tuhan nen nayonggo fesikhe. Nagaisa alabutmo oan werek kwelegat Aren an nebe wenagaisogo nobagasikhe.

YOHANES 20:17

A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,

LUKAS 2:40

Lagai wagaukwasik logolik, yenggerek a'nogo alue aga logolik, ebe omame agik, endawinggen mondok kagalek mene hilinglagik ikhi lagaikhemo, Allah nen agaugwerati lagaikhe.

LUKAS 2:52

Nen, at Yesus a'nogo logolik, ebe alue agik, endawimo kagalek mondok hilinglagik, ugu kwelek, eisena Allah inom, afuni inom, at faget inoba liok ikhi lagaikhe.