MAZMUR 21:7 - Allah Wene Fano Wene Hupla Inane

⁷ Haren ap andi ebe mondok-mondok faget fanot fegen, Hat hebe elokhoma welagen andiba at agaiyegap kwelafi lagen.

MAZMUR 21:7 Referans Kwoze

MAZMUR 16:8

An he Tuhan oba eberek mondok welagi. At ebe an nera'lu mondok were'ma re, an nabolok u lek hak.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

MAZMUR 26:1

Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 9:2

Tuhan neisena, an nendawinggenma mondogaren Hat hoba hai wathafi logogin, nen Haren wesa polanhogo elalogo fesigin mene andoma faget he fagerik nikhi logogin.

IBRANI 2:13

ekhe inom ap ekhe yagati logolik he: ”An nendawinggen Allah oba himbiret fuluk logogin o,” iluk yagatikhesik he: ”Allah nen againafuri wo'netikhe mene omanogo ninom welago yi han,” iluk yagatikhe.

DANIEL 7:14

Andi nen at a'nogo legeisogo fikhi logouwageluk, ebe raja menfikhesik, afuni mondogat At enggiba logouwageluk wogetunem higi. A'nogo wogetemo, afuni mondogaren inunggulenu lombok, inagap lombok, inane lombok, At awe a'ma logolik At faget hilingitunem yethigi. Aren omameba ferinarek mondok logolik inoe kain raja were'ma, it ekhe nen mabenet fisogoin mondok lek mene yethigi.

1 SAMUEL 30:6

At Daud agoromi omanogo re ninagagwi, ninagainafuri nalagaikhama iluk he inendawinggen heiselhi lagaukwa. Andiba re iren at Daud huk helep wasugun iluk hilingiti lagaukwa. A'nogo hilingitunem Daud oba enggin-fenggin mondok hokhorogo hikhi lagaikheba nen he, at endawinggen eisena Tuhan Allah nen omamet fikhi lagaikhe.

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

MAZMUR 61:4

An nebe nalong palogo fetnarek welagen mene re Hat hebeat welagen, nen it naselei mene nen noasuogeluk hilingitunem nendawi hambugengge re Harat welagen.

MAZMUR 13:5

It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 45:3

Yi afuni ti afuni mondogat werek mene andoma inanggele'ma nen he, harenek he heil alili fano pugunsek mene welagen, hane ugunem he mondok fano mene nek ikhi lagen, andiba re At Allah nen fanot hobagaikhe mene andi, a'nogoat mondok hilingik logouwak.

MAZMUR 72:17

At raja enu andi re afuni nen he hundik-handik andoma ebethugu mondok logouwak, nen mo yatu werek kwelek andem he at enu re ekhe inom legeisogo fikhi logouwak, nen it afuni inunggulenu lombok omanogo nen ogore, at hakhogo fanot fisikhi logouwageluk kinoti logogun, it afuni mondogaren at faget he agaiyek hikhi logouwak, ikhi logogun.