MAZMUR 21:5 - Allah Wene Fano Wene Hupla Inane

⁵ An neluk logogin iluk kino isikhemo Haren wogetendik, at ebe eluk umur uanhogo logouwageluk hilingfesigin.

MAZMUR 21:5 Referans Kwoze

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

IBRANI 8:1

Nit wene ikhi lago andi esin he yi o, nit ninoe kain Allah eisewerek ogo andi higit werek. At ebe re, nineisena Enupogot Allah welagarek oba era'lu kainat werek.

YOHANES 17:22

Nit ninebe misigat welagorek andi hak, it a'nogoat inebe misigat logouwageluk, an nebe haren esinetnafigin hak, an nen it arat esinet fisigi o.

YOHANES 17:5

Neisena. Kweang oan elalhi'lek logolik, nemberegat esin welagagu a'nogo mene yogondak hat were'ma andoma esinet nobagain o.

YOHANES 17:1

At Yesus nen wene a'nogo yagaisasikhesik he, at ot legeisogo eilenggen pogoroba liakhasikhesik he, mel isikhe: ”Neisena. An hilingnabugun a'nogo arat horogasi waga o. Haren attagat afuni ekhe wo'netigin mene halok inebe lombok an hamlogo nen hilinginabumo ineluk mondok logouwageluk afuni mondogat nenggiba fesigin andi nen he, hat hebe esinet hobagaigen, an hamlogo esinet nobagaime o, neisena.

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

YESAYA 63:1

Ap ekhe kagalek welagaikhe mene ane re yi'nogo isikhe ”Ap ekhe asu eil mep mene laberogore, ebene asungge lik loukhogo liagaisogo oba mondok along palonghogo o Edom fikhiren o Bosra wesigiluk weri'logo andi re sa nogo?” iluk heinok ugunem he, Tuhan nen onggo ikhi logolik, ”An he hineisena Tuhan, hinebe telhinabigin mene a'nogo nen, Wene fano wene waluk wagi o,” iluk ikhe. A'nogo ugunem hobuk ap kagalek welagaikhe mene a'nogo nen heinok wokhikhi logolik,

MAZMUR 110:1

Neisena Tuhan nen he an noe Enupogot yagati logolik, ”Afuni hat haselei mene heisogen alperelogo fisanogen he, An nen oan hawe a'ma fisa wagi'lek werek kwelek, An nera'lu nenggi ebekwe ya hurek logoino,” iluk yagatikhe.

MAZMUR 96:6

At ebe re andungdang oba inom ombak-bak oba inom huli'lipsek, At ailoba re omame nen inom alilingge nen inom lik loukhogo hilingik.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

MAZMUR 8:5

afuni andi nek he ningginigen, Haren it inoba eberek mondok welagen nogo? It andi sani iluk, Haren inebe ferinarek mondok welagen nogo?

MAZMUR 3:3

It inebe fena hokhorogo nen ikhi logolik he, Allah nen at lebethagain lego iluk ili'lagwi.

1 TAWARIKH 17:27

A'nogo nobagegenma re, an nen tagomangge mene andoma Hat hendawi hundik hilinginafi logogin mene andi inoba agunem hugu mondok logouwakhogo re, an neisok erokwe mene ogo fanoet ninobagain o. Neisena Tuhan Haren it hagainafuri mondogat fanoet fisegen andi nen he, hobuk ogo mondok-mondok fanoet fisugu mondok logoino aro, neisena,” iluk samban isikhe.

2 SAMUEL 7:19

Neisena Tuhan nen, nit fetninarek welagen mene andi esin meneat he, andi endebat hangge. Oba nen he, hobuk afuni an nen tagongge mene fano hilinginafi logogiluk wene wa'neten andi nek he mondok esin hokho mene o, neisena. An nebe afuni meneat, hat hebe Tuhan Allah nen wene nit hobuk hilingninafi logogin mene faget yaganeten andi, neisena.

1RAJA-RAJA 3:14

Nen, haren heisena Daud hilingiti lagaikhe hak, An nen, nane, yi'nogo hilingi'no, ti'nogo hilingi'no, iluk yagahisasigi mene andi hologo hilingiti logogin halok, hebe umur uanhogo logoinogoluk hilinghabigin aro,” iluk yagatikhe.

MAZMUR 61:7

At raja ebe umur uanhogo were'ma, at ebe eluk mondok-mondok logogin.

MAZMUR 133:3

athe lilengge tom Hermon oba nen o Sion punukwe pi wagarek higit werek. Andoma mondogat he ineluk mondok-mondok logogun mene faget At Tuhan nen fanot fisikherek.