MAZMUR 20:5 - Allah Wene Fano Wene Hupla Inane

⁵ We Aren enek yi mene ti mene hat hendawimo hamolo mene andoma wokheti logouwak, nen haren hilingitu mene faget iluk abok wilafi lagen mene andoma ambisangma mondok fano mene nek aga logouwageluk hilinghobagakhi logouwak.

MAZMUR 20:5 Referans Kwoze

KELUARAN 17:15

A'nogo yagatikhemo, at Musa nen yi mene ti mene Allah faget warogo loleti logogun oba mezbah ekhe wutikhesik enu mel salhikhe: ”An namboksu bendera liabek he, Neisena Tuhan hebe aro,” iluk salhikhe.

MAZMUR 60:4

Haren kweang yi lang-fang isegenma kweang mondogat harelik laga o, kweang leigeti logolik harelhe mene oma afe halime o.

1 SAMUEL 1:17

A'nogo yagatikhemo, at Eli nen he, ”Allah afuni Israel mene nineisena a'nogo nen hane esanggo holhimbik haren kino yagaten mene andi wokhesuago. Andi nen he, hendawimo fanorogoat haiba lano,” iluk yagatikhe.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YESAYA 25:9

Andi sambul afuni nen ikhi logolik, ”Nit ninagap telninabuageluk nenangot hikhi lago mene a'nogo Arenek he eberogo nenat Allah nit nineisena o. Eberogo Tuhan ebe yi aro, At andi niren nenangot hikhi logolik welago mene. Aren nit mondogat ninagap telogo ninobagaikhemo re yogondak niren ninagaiyegeti lago o,” iluk ikhi logogun.

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

MAZMUR 118:15

Nineisena Tuhan, At omame mondok hokho mene a'nogo At againafuri inoba hilingfikhemo inomame agaikhasik, inawi su mene wuri'mo o silikwe omanogo inagaiyegen wuni wari'lagwi andi hinesanggo holini!

MAZMUR 35:9

Oba nen an he, neisena Tuhan faget nagaiyegeti logogin, Aren nagap telnafunem he an nendawimo nen nagaiyek anggikhi lagi.

MAZMUR 13:5

It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.

MIKHA 4:5

Afuni inunggulenu lombok o kweangma welagaikharek mene nen he, inanggembu dewa omanogoba himbirik logolik apne helikhi logouwak, oba nen nit enek he nineisena Tuhan Allah oba lomborogo logolik, ninenggi hundik-handik andomaba At enek fogeratu mondok logogun.

MAZMUR 19:4

Iren a'nogo agarek andi inaneba agarek lek. Inane ugunem holharek legat.

YESAYA 11:10

Linggene ekhe wesigin oba re raja ket mene Daud ambisangmangge mene ekhe re yi afuni ti afuni inobaget menlasumo re inebe mondogen At faget herarik waga logogun. Iren At oba we'luk he, At ebe werek oba mondok fanoma omanogo andogoluk fogerati logogun.

MAZMUR 21:1

Afuni nen wuni wulakfuluk inebe seberogo ugunem melalinafu mene faget, Daud Awuni a'nogo.

1 SAMUEL 17:45

A'nogo yagatikhe meneat he, at Daud en mel yagatikhe: ”Hat he, an noasigiluk henggarok inom, afi'lolo inom, arige kabelek inom helaluk wagen meneat he, an enek he, ap tentara Israel mene haren hendawimo seramet fisaluk hane asegen wogisegendek mene ineisena Tuhan Allah yi mene ti mene hilingiterek enek mene a'nogo enuba hoasigiluk wagi o.

MAZMUR 21:3

Haren enek at endawimo anggili'lago mene omanogo higithogo hilingfigik, nen we nena mene kino ugu mene omanogo wogetik, ikhi lagen.