MAZMUR 20:1 - Allah Wene Fano Wene Hupla Inane

¹ Afuni nen wuni wulak fuluk inebe seberogo ugu kwelek melalinafu mene faget, Daud awuni a'nogo.

MAZMUR 20:1 Referans Kwoze

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

MAZMUR 83:18

It andi re mondok-mondok andoma inenggalirogo hilingfisamo re inailorogo logombik, youk la'lak inebe wa'lakhoago.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

YEREMIA 30:7

Yago, linggene fulu polan mene a'nogo arat asi waga, linggene andi inom ekhe higirabesu elo'lek mene. It An nagainafuri nen he linggene andi re inendawinggen fit lasigin mene, oba nen it inebere An nen inagap telinabigin o,” ikhe.

MAZMUR 60:11

Ap sa nen wo'narek o Edom andoma nobagai lagain nogo? Ap sa nen o leget pa'leget mondok omamerogo wagane'ma andi hondogoisogo nobagai lagain nogo?

MAZMUR 114:2

Tuhan nen he o Yehuda ba andoma obalik mondok fano horek awi hilingisogo figik, nen Israel oba andoma re At along werek oba hilingisogo figik, isikhe.

MAZMUR 50:5

Aren ikhi logolik he, ”It An nagainafuri mondogat ninom wene watugusik, wam warogo omameap etugu mene andoma mondogat andogerinabini o,” iluk ikherek.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 9:10

At Tuhan andi re afuni nen enggin-fenggin inoba fugunem awe a'ma kuluk welagaikharek oba faget werek. it enggin fenggin hugu logolik awe a'ma kwi lagu mene faget werek.

MAZMUR 41:1

Afuni nen wuni wulak fuluk inebe ambine seberogo ugunem yanggulinafu mene faget Daud awuni a'nogo.