MAZMUR 2:7 - Allah Wene Fano Wene Hupla Inane

⁷ Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

MAZMUR 2:7 Referans Kwoze

IBRANI 5:5

At Kristus a'nogoat, ”An Allah eisewerek kain logogin,” iluk onggwaregen wenagaisogo menfakhigi'lek. We, at Allah nenat wenagaisogo menfesikhesik wene mel yagatikhe: ”Hat An namlogo o. Hebe yogondak takhafi,” iluk yagatikhe andi.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MAZMUR 89:27

A'nogo hilingisogo foumo aren he mel yaganesigin, ”An neisena re Allah Harat logogin o. Hawe a'ma fetnarek mondok logolik, telnafi logogin mene o,” iluk yaganeti logogin.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

IBRANI 3:6

Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro.

YOHANES 1:18

Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

IBRANI 5:8

A'nogo yagatikhe andi re, at Yesus Allah ebe amlogo meneat he, yi enggin ti enggin hikhi logolik, Allah ane hologo hilingisigin mene faget yanggulhikhe andi.

MATIUS 8:29

inane hokhorogoat mel yagatukwa: ”Allah amlogo yi. Haren he, nit ninggi'nogo hilingninabigeluk wagen. Nit ninoasigin oba oan werek kwelegat he, hat tak ninoasigiluk wagen yoma ri!” iluk yagatukwa.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

MAZMUR 148:6

Aren hinobalik lombok hinobagasikhe, inobalik tomok fesikhe mene andi re, legagi'lek etok mondok logogin.

AYUB 23:13

At Allah andi re mondok agaum eterek lek. Afuni nen At ekhe ane sagalogo fou lek hak. Nen, Aren he onggwarek endawimo agaiyek anggili'lago mene nek hilingiterek.

KISAH PARA RASUL 8:36

Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”

2 SAMUEL 7:14

At andi eisenare anat hilinglagik, nen athe an namlogo hilinglagik, ugun o. Halok he, at weak ekhe hilingite halok, ineisugwi nen inagainafuri inelu asuageluk wene inoba fagarek a'nogo hak, An nen at oba wene fikhi logogin.