MAZMUR 19:7 - Allah Wene Fano Wene Hupla Inane

⁷ Pogot eroma nen yarik-yarik pogot elugunmo lagarek. yi mene ti mene mo oba kwikherek lek mene ekhe werek lek, mondogat oba kwikherek enek, iluk wuni watikhe.

MAZMUR 19:7 Referans Kwoze

MAZMUR 119:130

Nen tindelhunem he, Haren yaganisegendek mene andi nen ninendawimo selegeraterek, afuni futfou elo'lek mene ogore elok futfagarek enek.

MAZMUR 111:7

At Tuhan nen hilingiterek mene andoma mondogat he katokhogo nek hilingitik, tiphogo nek hilingitik, ikhirek, At awene melalek andoma re mondok omame hilingi'mo tiphogo nek hilinglagarek.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

AMSAL 1:4

A'nogo yagaisugunem it afuni ekhe inendawinggen kagalek lek mene andoma fanorogo futfuluk inendawinggen kagalek mene hilinglagik, ap alage mene inom, helime tugum mene inom, komorinafunem yi wene ti wene inelu mondok agik, inaluendegen wenggelharek hakhogo wenggelhik ikhi logouwageluk, isikhe andi.

MAZMUR 23:3

At awene melalek ikhe mene higithogo re, Aren an ekhe inomat nomamet figik, kwe eberogo meneba wo'narek lagik, ikherek.

MAZMUR 119:105

Hat hawene andi re an neisok kwe lagukwe faget esage higit werek, nen an kwe loageluk seleget nafu mene werek.

ULANGAN 32:4

Nineisena Tuhan, omamerogo hinebikhit agarek mene, Aren yi mene ti mene, katokhogo nek hilingiterek, mondok higithogo nek hilingiterek, Nineisena Allah obabut he, obokhogo herakninobagaikherek lek, weak ekhe hilingiterek legat, at fano nek hilingiterek, eberogo mene nek hilingiterek.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

MAZMUR 93:5

Tuhan neisena. Haren yi'nogo hilingiti logoino, ti'nogo hilingiti logoino, iluk komotninafen wene andi etok mondok logolik, eberogo nek aga logogin o, nen Hat hawi horek mene andi yi tahun ti tahun wurik mondok logogin, neisena.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

ROMA 15:4

Allah ane lisu palek andiba re, ninafe morogo welagik, ninendawimo fano agik, ogorek andi nen he: ”Fano asigin,” iluk Allah oba eberek logouwageluk, nirat komorogo Allah aneba fageat lisu palogo fesukwa andi.

MAZMUR 119:111

Haren yi'nogo hilingiti logoino-ti'nogo hilingiti logoino iluk isigin mene andi re an nangge mondok-mondok logogin mene hilingi'mo re, andi nen an nendawimo agaiyek mene hilingfikherek.

YOSUA 1:8

Haren he, wene An Allah nen, yi'nogo hilingi'no, ti'nogo hilingi'no, iluk isigi mene lisu palek werek andi, mondogat higithogo hilingiti logoinogen iluk, wene ebe lisu palek mene andi, linggene nen hubanggo nen enu salhu mondok logoino o. A'nogo hilingiti logolik, wene lisu palek werek mene andi mondogat An nagainafuri ineilhanem enu salhu mondok logoino o. Haren a'nogo mondogat hilingiti logogin halok, hat hebe fano logolik, yi mene ti mene faget ugunem elok enek hilinglaga logogin o.

KISAH PARA RASUL 10:43

At Yesus faget, it ap Allah ane yagaisikhi lagaukwa mene omanogo mondogaren he, abok ikhi logolik, mel isukwa: At ebe wagunem he, it afuni weak hilingitarek mene inendawinggen at oba himbiret fogoin mene halok inebe lombok, it weak hilingiri'lagwi mene andi, at Allah nen at Yesus enuba sebelogo legetfisagain o, iluk yagaisikhi lagaukwa,” iluk at Petrus nen yagaisasikhe.

MAZMUR 119:72

O kweangma yoma emas inom, perak inom werek oba nen, an nen he Hat Hawene melalek yi nek he mondok esin mene anggikhi lagi o.

MAZMUR 18:30

It afuni an naselei mene warogo lakfisoageluk he Harenat nomame wo'neti lagen, At Allah nen lebetniikherek oba nek it naselei mene inomame were'ma eroma a'nogoat tolulurogo kwi laga lagi.

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

MAZMUR 119:24

Haren wene yi'nogo hilingiti logoino ti'nogo hilingiti logoino iluk menfesigin mene andi re, an komotnafu mene fesiginmo re, nendawimo nagaiyek mene nek hilingnobagali'lago.

MAZMUR 119:14

Afuni nen inangge yi mene ti mene fetaluk welagaikharek higit he, Hat hawene melalek higithogo hilingitu mene andi faget nagaiyek welagi.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

YESAYA 8:16

Nagainafuri e, yanggulhinafi lagi mene andoma hinesanggo fanorogo holhi logoni. Nineisena Allah nen yi'nogo hilingi'no, ti'nogo hilingi'no iluk yaganisikhe mene andi ekhe pelakfigi'lek foukhogo fisogo logoino.

MAZMUR 119:152

O attagen engge wene Haren yaganisikhi lagen mene a'nogoba nen nelu aga lagi, Haren wene andire mondok-mondok logogin mene faget fesigin.

MAZMUR 119:9

Ap souge mene re Hat Hawene melalegen ugu mene a'nogo hologo higithogo hilingitu halok he, at ebeba weak mene ekhe agi'lek logou hago.

2 SAMUEL 23:5

”Andi hakhogo nek, afuni an nen tagomangge mene ogore, At Allah nen fanorinafi logogin, An noba wene wa'nete mene andi re agaum esigin mondok lek. Nen aren yi'nogo hilinghafi logoin iluk abok wene yaganete mene andi re ekhe pelabigin lek. Andi re mondok-mondok logogin mene faget hilingi'mo re, Allah nen hilinghafi logogin iluk yaganete mene andi ebe asuageluk he, an nalonget nobagagik, an nendawimo anggigirek mene a'nogo re higithogo nek hilingnobagagik, nane hologo hilingnobagagik, ili'lago andi o.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

ROMA 3:2

Andi re, yi mene ti mene faget mondogat fano nek. Wene andi ebe furogo yagahisak. Ekhe re, Allah nen he, ”An nane it elok fisogo logogun,” iluk, irat yagaisikhi lagaikhe.