MAZMUR 19:10 - Allah Wene Fano Wene Hupla Inane

¹⁰ Allah faget fogerati logogun mene andi re mondok fano, lek asigin lek mene. komotninafikhe wene andi mondogat he ibi-eberogo nen higithogo hilingiti logogin mene.

MAZMUR 19:10 Referans Kwoze

MAZMUR 119:103

Hat hane andi re enduk mondok mitsekma re, kin amusu enduk we endep harek hak oba nen andi nek he enduk mondok fano mit-mirengge o.

MAZMUR 119:72

O kweangma yoma emas inom, perak inom werek oba nen, an nen he Hat Hawene melalek yi nek he mondok esin mene anggikhi lagi o.

MAZMUR 119:127

Haren wene yi'nogo hilingiti logoino ti'nogo hilingiti logoino iluk werek mene andoma re, emas we sebelek hak hilingik kwelek mondok lego werek, nen emas mondok wurik mene ogore sebelek enek, andi nen he an nen nendawirogo welagi.

AMSAL 16:16

Emas helagarek mene andi re we endep hak oba nen, inendawinggen kagalek mene helagarek andi nek he mondok fano. Perak helagarek mene andi re we endep hak oba nen, inelu agarek mene helagarek andi nek he mondok esin.

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

AMSAL 8:19

An nen wokhetunem helegendek mene andi re perak mondok fano mene inom, emas ebe fano mene inom, andoma re onggo endebat elo'lek hangge meneat he, an nen wokheti lagi mene andi nek he, mondok esin mene o.

AMSAL 24:13

Namlogo e, kin amusu nagain halok he fano, andi re nunggungge. Kin amusu andiba nen waluk nunggunem enduk mitsek andi higit ninggi logoino.

MAZMUR 63:5

An nebe neluk logolik he, hat fogethafu mondok welagi o. An nen nenggi hoba liakfuluk, samban hayonggo fikhi lagi o.

WAHYU 10:10

Yaganetemo, lisu mage mene palek andi enggimo nen wanhirik ebe nunggunem he, nambema kin amusu hangge enduk fano meneat he, nelonggoma pelafunem ale mondok weak hilinglagunem higi o.