MAZMUR 18:21 - Allah Wene Fano Wene Hupla Inane

²¹ An nobabut oba eberogo mene nek hilingiti lagimo re At Tuhan nen onggo higithogo nek hilingnobagali'lago, nen an weak mene ekhe hilingiti lagi lek andi nen he Aren an fanotnobagali'lago.

MAZMUR 18:21 Referans Kwoze

MAZMUR 119:102

An he Haren enek yanggulneti lagenma re, Hat hawene melalek andoma an nen ekhe herakfikhi lagi lek.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

KISAH PARA RASUL 24:16

A'nogo logolik, nendawimo nen he, weak ekhe hilingiti, iluk nendawimo engginhogo welagi hanogoluk he, Allah elokhoma inom, afuni inelokhoma inom horek logoigeluk nomamerogo hilingiti lagi o.

AMSAL 8:32

Andi faget he, hit ap alage mene yi sani! An nen wene fano wene komothinafirek mene andi, hinendawinggenma waluk higithogo hilingiti logoino o. A'nogo hilingiti logogun halok ambisangma fano logogun o.

MAZMUR 26:1

Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

MAZMUR 17:4

An he it afuni nen inenggi omameba weagerinabik lagaikharek mene andi ninom sebesi laga lagi lek, meneat he Haren yi'nogo hilingi'no ti'nogo hilingi'no iluk melalnobagakhi lagen mene a'nogo nek hilingiti lagi.

2 TAWARIKH 34:33

At raja Yosia nen he kembu mondok hebak inafe mene ekhe kwe ekhe kwe werek mene inom, it afuni Israel mene werek kwe welagaikhe mene inom, omanogo mondogat weak-beakhogo hilingfesikhe. A'nogo hilingfuluk he, aren he afuni holhu mene inoba yagaisikhi logolik he, it inambu-inomba ineisena Tuhan Allah andi obaget enek hilingiti logouwageluk yagaisasikhe. A'nogo yagaisasikhemo re at Yosia ebe eluk logolik oba re it afuni a'nogo re Tuhan oba tiphogo nek hilingiti lagaukwa.

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.

2 TAWARIKH 20:32

At eisena Asa nen hilingiti lagaikhe hakhogo re, at Yosafat en hogo Allah eilhanem mondok higithogo nek hilingiti lagaikhe.

MAZMUR 7:9

We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.

DANIEL 6:23

An hamingmingengge neisena Allah andi re, an nen hat hoba ekhe weak hilingisogo figik, At oba ogo weak hilingitik, igi'lek mene andi re, at elu andi nen he, agoromi malaikat mene ekhe ayonggo fikhesik pelakfisa wagama singa ambe te'met fikhemo yi'nogo ti'nogo ekhe hilingnafi'lego, noe,” iluk yagatikhe.