MAZMUR 16:1 - Allah Wene Fano Wene Hupla Inane

¹ Allah neisena, an he Hat hawea'ma kuluk welagimo re, kagalnarek logoin o, neisena.

MAZMUR 16:1 Referans Kwoze

MAZMUR 56:1

Afuni nen wuni wulak fuluk inebe seberogo ugunem yagaisugu mene faget. Wuni sue merpati o yatkwe e bene afe mogol arue iluk ikhi lagaukwa mene andi faget apne waganogo felalhukwa mene. Daud ebe it afuni Filistin mene nen o Gat omanogo nen fakfesukwama, at Daud en isikhe awuni.

MAZMUR 17:8

An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

MAZMUR 116:6

At Tuhan nen he it afuni inenu lek mene fanorogo ferinarek welagarek. An nomame mondok lek logolik, nebe tela elo'lek were'ma, Aren an nebe telnafikhe.

MAZMUR 31:23

An nendawi nonghong ugunem logolik he, An he Tuhan elokhoma nen hukniikhe hea, iluk anggikhi lagi. Oba nen he, an nen At enu hombuk palogo yagatu sambul he, Aren an nane ugu mene a'nogo esanggo holi'lago.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

AMSAL 2:8

Tuhan nen he afuni higithogo hilingitarek mene ferinarek welagik, nen At oba inendawi hundik welagaikharek mene awe a'ma ferinarek welagik, ikherek.

MAZMUR 146:5

It afuni ineisena Tuhan Allah oba inendawinggen himbitfuluk hilingiri'lagwi mene andoma re inagaiyek hikhi logouwak, it leberinafu mene re at Yakub eisena Allah andi hilingfuluk werek mene andoma re inagaiyek anggikhi logouwagat.

MAZMUR 9:10

At Tuhan andi re afuni nen enggin-fenggin inoba fugunem awe a'ma kuluk welagaikharek oba faget werek. it enggin fenggin hugu logolik awe a'ma kwi lagu mene faget werek.

MAZMUR 7:1

Hun Kus unggulenu Benyamin agun andi faget at Daud en le yaginafi logolik Tuhan oba wuni isikhe mene re yi.

MAZMUR 125:1

Samban ugunem lagakhi logolik ikhi lagaukwa awuni. Afuni Tuhan oba inendawinggen eberogo anggagarek mene andi re, Punu Sion hambuk lele warek were'ma abolo'lek mondok-mondok welagarek andi higit werek.

MAZMUR 97:10

At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.

MAZMUR 60:1

Afuni nen wuni wulak fuluk inebe seberogo ugunem melalinafu mene faget, wuni unggulenu: Bunga Bakung enegengge agarek mene andi bene felalek werek higithogo, At Daud en yanggulinafi lagaikhe awuni.

MAZMUR 37:28

At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.

MAZMUR 25:20

An he Hat hawea'ma fetnarek welagenma re, an nenggali asinogoluk kagalnarek logolik nagap telogo nobagakhi logoin o.

MAZMUR 17:5

An he hundik-handik Haren yaganetu mene omanogo nek hilingiti lagi, nen Hat hoba nen taganhogo wulibi laga lagi mondok lek.

2 KORINTUS 1:9

Inebe mondok inoasuogeluk inabok palhunem, ”Nit arat wa'lasugun higi,” iluk anggagarek hak hilinglagaikhe andi. A'nogo hilinglagunem, ninendawinggen ninonggwarek ninoba himbiret fuluk welagi'lek, we, at Allah afuni wa'lagunem en inelugerinaferek mene a'nogo oba himbiret fuluk logouwageluk a'nogo hilinglagaikhe andi.

MAZMUR 22:8

Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 7:2

Tuhan Allah neisena, an he, Hat hoba nagap telek welagimo re, it afuni an mu'narek mondok nikho mene oma inoba nen Haren fikhalogo wulak nobagagik, nagap telnafik, hilingnabin o, neisena.