MAZMUR 148:13 - Allah Wene Fano Wene Hupla Inane

¹³ It ap inenupogot ekhe inenu lek hangge werek kwelek, At Allah nek he enu werek logolik, pogot inom, kweang inom At enggiba welagarek, andi nen he hit hinebe mondogaren At enu nek, seralhi logoino.

MAZMUR 148:13 Referans Kwoze

MAZMUR 113:4

It afuni inunggulenu lombok welagaikharek mene andoma mondogat he At Tuhan omameba nek sebelinarek werek, At andungdang werek mene andi re pogot ambolkwe po'limaba hilingik.

MAZMUR 8:1

Afuni nen wuni wulak fuluk inebe seberogo ugunem melalinafu mene faget, at Getit awuni mene ane lisogo Daud en isikhe awuni a'nogo re yi:

YESAYA 12:4

Lingge ekhe weinam asigin meneba re hiren wene ikhi logolik, ”Tuhan oba hai wa'ni o, At apne wanini o, At omame werek mene inom, Aren hilingiri'lago mene andoma faget inom, ap inunggulenu mene werekwe andoma yagaisa laga logoino,” iluk ikhi logogun.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

EFESUS 4:10

At ebe kweangma inom, pogoroba inom, o yi awi ti awi mondogat inom, logoigeluk he, kweangma pi wagaikhesik he, hobuk ambotkwe pogot halianggen oba po'lima lagasikhe andi.

ZAKHARIA 9:17

An Tuhan nanggweang andi re, ibi ebema elokhe mondok fanore'ma hilingik logogin, Andoma re, anggur inom, gandum inom, hokhorogo legeisogo fikherek hak, it ap sogwe inom, helime silerik inom inomamet fisikhi logogin,” Iluk ugunem holhi o.

YESAYA 33:5

At Tuhan he obalik legoma logolik, Ebe esin lego welagarek, Aren he wene melalek inom, katokhogo hilingitarek mene inom, o Yerusalem oba andoma omamet fagain.

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

KIDUNG AGUNG 5:16

Ane ikherek mene re enduk mondok mit-mirengge, nen at ebene hilingik mene andoma mondogat he inendawinggen wanu hak enek. Yago, o Yerusalem helime yi sani! An nendawinggen hundik mene andi ninom hilingik welago mene re a'nogo andi.

KIDUNG AGUNG 5:9

Hele hebe tugum fano mene yi, hat hendawi hundik mene andi re it fena re maben hangge werek kwelek arenet he ningginik mene? Hat hendawi hundik mene andi re it fenakwe sebelek hak werek kwelek at enek he ebe mondok fano anggegendigen nit ninoba wene wa'ne'ni iluk yaganisikhi lagen nogo?

MAZMUR 108:4

Tuhan neisena, an he it afuni inunggulenu ekhe mene ekhe mene inanggele'ma andoma nen, hai wathafi logogin. It afuni inanggele'ma andoma nen, an nen wuni Hat fogethafu awuni ikhi logoile namolo welagi.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

MAZMUR 99:9

Nit nineisena Tuhan Allah ebe horek mondok werek andi nen he, At enek legeisogo fikhi logoni! Nen At andom horek meneba andoma nen hineindep awi yagaisogo fogerati logoni.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

MAZMUR 8:2

Allah nit nineisena, Henupogot mene, Hat Homame welagen mene andi re o kweangma yoma mondogat sagarek werek! Nen Hat habok lagarek menere O pogot soganogo ambolkwe po'limaat mondok lego welagen iluk,

MAZMUR 150:6

Yi mene ti mene ineluk werek engge andoma mondogaren he, At Allah nek fogerati logouwak! Tuhan fogerasuok!