MAZMUR 147:6 - Allah Wene Fano Wene Hupla Inane

⁶ Afuni sebelogo fisagarek mene re Aren legeisogo fisikherek, oba nen he afuni inobabut weak mene re sebelogo kweangma pelaginaferek.

MAZMUR 147:6 Referans Kwoze

MAZMUR 25:9

It afuni inendawinggen sebel fakhaluk hilingitarek mene re Tuhan nen halogo woginarek nikherek, nen iren he At endawimo anggikherek mene hilingiti logouwageluk yagaisikherek.

1 PETRUS 5:6

A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.

YAKOBUS 4:10

Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

ZEFANYA 2:3

Yago, hit afuni o kweang yiba welagep mene nen hinendawinggen sebelfakhaluk hilingiti lagep mene inom, nen Tuhan Awene melalek hologo hilingiti lagep mene inom, sugulogo Tuhan ambit waga logoni o. At elokhoma sebe iluk At endawimo anggikherek mene nek hilingiti logoni. A'nogo hilingisugun halok he, At Tuhan awi mondok anini oba louksek awi a'nogo weinamet fei wesigin sambul andi re hit hinagap telhinabigin logou hak.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

1 PETRUS 3:4

Athe, hinoba fanorogo re, hinendawinggen faget hinago mene andi wanhi logoino. Andi re, hinobabut mondok logogin mene enago welagik, lioksek welagik, ikhi logoino o. Hinobabut Allah eilhanem a'nogo hilingitunem, at endawimo nen fano mondok anggikherek he andi aro.

MATIUS 5:5

Nen, afuni inobabut enago mene andi, Allah nen o abok yaganisasikhe mene andi irat eise asugun andi nen he, inendawimo inagaiyek hikhi logouwak.

MAZMUR 149:4

At Tuhan nen he againafuri faget endawimo agaiyek anggili'lago, Aren he afuni inendawinggen sebelfakhagarek mene inoba re inenu werek mene hilingfisikherek.

MAZMUR 145:14

It afuni enggin-fenggin inoba were'ma, At Tuhan nen leberisikherek. It afuni sebelek hak werek mene re Aren legeisogo fisili'lago.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

MAZMUR 37:11

Oba nen it afuni inendawinggen sebe iluk logogun mene re, kweang andi eise asimbik logolik he, fano mene hokhorogo oba heilarogo helikhi logogun o.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MALEAKHI 4:3

O andi sambul he, An nomamerogo hilingitunem he, hiren afuni weak hilingitarek mene andi mabenet fisamo re, it inebe re ogoilong engge hakhogo hineisogen alperelogo fisogoin.