MAZMUR 147:4 - Allah Wene Fano Wene Hupla Inane

⁴ Arenat hesagal pogoroba andoma mondogat wenagaisogo fisigik, nen inenu amu-amu salogo fisigik, isikhe.

MAZMUR 147:4 Referans Kwoze

YESAYA 40:26

Sa nen hesagalenggen poroma elalhikhe iluk he, heilenggen pogoroba liago logolik furati logoin o! Aren he ap tentara esa eratarek hakhogo halogo fisikherek, Aren hit hinebe abirengge re ti nen werek iluk elu welagaregat, Arenat it inenu lombok wolinaferek. At Tuhan Omame Mondok Hokho hilingi'mo re we misik iluk ogo ekhe longgo ikherek lek.

MAZMUR 148:3

Hit mo inom, tugi inomen he, Arenek fogerati logoino. Hit hesagal liati lagep mene andoma nen he, At ebe fogerati logoino.

MAZMUR 8:3

it omalik fou mene nen inom, yenggerugwi magendek mene nen inom, wuniba fogethabi'lagwi. Hat hebe esin lego mondok logolik melalinafi lagen mene andi re mondok abolok lek ning maniberogo werek andiba re, It haselei mene inoba inom, hinom weim palek mene inoba inom inambe to'mot fisikhi lagen.

KEJADIAN 15:5

A'nogo yagatikhesik, At Tuhan nen Abram ebe waluk olulu wulifikhesik he, mel yagatikhe: ”Heilenggen pogoroba liakhambik he, hesagal henggi higit wenasigin a? Lega? Walhan o. Walhamo re, haren tagongge mene re, hesagal hokhorogo liakhegen andi hangge sik-pik ugun o,” iluk yagatikhe.