MAZMUR 147:12 - Allah Wene Fano Wene Hupla Inane

¹² Hat Yerusalem yi! Tuhan fogerasin o. Hat Sion yi re! Heisena Allah fogerasin.

MAZMUR 147:12 Referans Kwoze

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YOEL 2:23

Hit afuni o Sion mene yi, An hineisena Tuhan Allah nobabut fano nen fanothinafi andi nen he, hinendawimo hinagaiyegetik, fogerakhigik, ikhi logoni o. O engga lologo pikherek meneba asi wagunem andem he meiso higithogo wokhisigik. O sogoi lagagu meneba asi wagunem andem he An nen meiso higithogo pelakhisa wagik. Nen, enggen itu sambul meneba asi wagunem he attak wokhisikhi lagagi hakhogo wogisigik, ikhi logogin o.

YESAYA 52:7

Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.

MAZMUR 149:2

Yago, hit Israel mene yi, hinebe elalhinafikhe mene andi faget hinagaiyege'ni, Nen hit afuni o Sion welagep mene yi re, hit hinoe raja andi faget hinanggilukhogo fogera'ni o!

MAZMUR 146:10

Tuhan andi re mondok-mondok faget Raja logogin. Hat Sion, heisena Allah andi re yogondak inom hobuk inom mondok-mondok andoma etok mondok logogin. Tuhan enek fogerati logogun!