MAZMUR 147:10 - Allah Wene Fano Wene Hupla Inane

¹⁰ At Tuhan amolo re kuda omame welagarek andiba re lek, nen it ap sikhe fisogo mene inambong siserek inap andoma inoba re legat.

MAZMUR 147:10 Referans Kwoze

MAZMUR 20:7

At Tuhan nen ap raja wenagaisogo fikhe mene a'nogoba alonget fili'lago mene andi re yogondak an arat nelu ari'lago. At Tuhan ebe pogoroba mondok fanoma omanogo logolik onggo yagaterek, nen At Tuhan nen at raja a'nogo omamet fugunem mondogat along ari'logo.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

PENGKHOTBAH 9:11

O kweangma yoma ekhe yi'nogo hilingitunem isigiregat. Afuni inebe lombok inoba hilinglasigin ilugat hilinglagarek andi nen he, it afuni sa awewerek-sa awewerek walhugunem at ekhe awe werek agarek mene andi nek onggo helikherek fuk. Nen, weim yafi logolik inomame agaikharek mene andi, hobuk yafi logolik inomame agunem isigirek legat. Nen, it inendawinggen kagalek mene andi, inebe mondogat inamburu yi mene ti mene oba heilarogo nek nunggunem isigirek legat. Nen, inobabut hebelek mene andi, inebe mondogat inangge yi mene ti mene hokhorogo nek hilinglagunem isigirek legat. Nen, it yi wene ti wene inelu mene andi, inebe mondogat inenuwerek agunem isigirek legaro.

AMSAL 21:31

Aben weim yabuogeluk sige sikhe fougetfuluk inangge kuda hokhorogo fougerasugun meneba nen ogore, inomame agarek mene andi re we At Tuhan nen enek omamet fisikherek.

HOSEA 1:7

Oba nen he, An Tuhan, it ineisena Allah nen afuni Yehuda mene andi nendawirinabimbik telinabigin o. A'nogo meneat he, sikhe oba inom, karok oba inom, weim yafarek mene ekheba inom, ap tentara kuda ba lagaluk yafarek meneba inom, telinabigin lego,” iluk yaganete.

2 SAMUEL 1:23

Saul inom Yonatan inom andem he, inobabut sakhorek logolik, inendawi hundik welagaikharek mene o. It ineluk oba inom warek oba inom hundik-hundik misik seberogo nek welagaikharek mene o. Sue pim en lagarek he endep harek oba nen, iren hilingitunem he weak-weakhogo nek hilingitarek mene o. Wa'lagaikha misi'mo aro. Singa eak oan mene re, omame endebat lek meneat he, it andi nek he inomame mondok hokho mene o.

AYUB 39:11

Haren he, At omame mondok hokho, iluk anggaluk, heabu enggin weak mene aren hilinghobagauwageluk enggiba fou hak nogo?