MAZMUR 146:5 - Allah Wene Fano Wene Hupla Inane

⁵ It afuni ineisena Tuhan Allah oba inendawinggen himbitfuluk hilingiri'lagwi mene andoma re inagaiyek hikhi logouwak, it leberinafu mene re at Yakub eisena Allah andi hilingfuluk werek mene andoma re inagaiyek anggikhi logouwagat.

MAZMUR 146:5 Referans Kwoze

MAZMUR 144:15

It afuni inunggulenu ariginik mene andoma re mondogat inagaiyek hikhi logouwak, it afuni ineisena re Tuhan Allah hilingik mene andoma, inagaiyegeti logouwak.

MAZMUR 71:5

Tuhan neisena, Hat he an nendawinggen hoba eberek mene welagenma re, an nebe sougeba nen engge Tuhan hoba nendawinggen tibet fesigisik welagirego.

MAZMUR 33:12

It afuni inunggulenu inap ekhe nen Tuhan Allah andi re nit nineisena iluk fakhogo yagaisagarek mene andi re inagaiyek hikhi logouwago, Nen it afuni Aren wenagaisogo An nonggwarek nagainafuri mene logouwageluk fisasikhe mene andi re inendawimo hairogo logouwago.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

MAZMUR 84:8

It inebe tom Sion Allah ebe welagarek oba, Ebe menlasi wagarek oba andoma laga logolik he, it a'nogo ekhe inom inomame agaikharek.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

MAZMUR 39:7

ineluk he afuni inafumak furunghogo lagarek andi hak werek. Afuni nen yi'nogo ti'nogo hilingiri'lagwi mene andoma re we elama faget hilingiri'lagwi. Aren angge yi mene ti mene kabogerik lagaikherek oba nen he andoma ebe ap ti nen ninggik heligik ikhi logogin iluk mel onggorengge nen hilingiterek.

KELUARAN 3:6

Hat hombalak Abraham inom, Ishak inom, Yakub inom, ineisena Allah Anaro,” iluk yagatikhe. A'nogo yagatikhemo, at Musa eilenggen Allah yetha ailo agaikhemo, elokhe salhikhe.

ULANGAN 33:29

Hit afuni Israel mene yi, hinendawimo hinagaiyeti logoino o! Nit nineisena Tuhan nen hit telhinafikhe andi hak, it afuni inunggulenu lombok ekhe telinafi'lego. Nit nineisena Tuhan a'nogo, ebe hit werekwe a'luk, hinaselei mene mabenetfisaluk, hinomame asuagaluk hilinghinafik, ikhi logolik, At ebe re, karok weim yafarek mene hakhogo inom, afuni nen inoasinogo iluk sing labetarek hakhogo inom, asimbik logouwago. Afuni hinaselei mene andi nen, Hinendawit ninabini o, iluk yagahisa wagunem, hiren he, it inebe hineisogen al perelogo fisikhi logogun o,” iluk yagaisasikhe.

KEJADIAN 50:17

niren he, hat hoba yagahesuageluk yi'nogo yaganisikhe: Hat hogogwi nen attagat hebe mondok weagethafukwa andi, haren wene inoba korogo wokhambik sagalogo legetfisano o, iluk yagahesuageluk yaganisikhemo re, nit ninebe nineisena nen Allah fogeraterek mene a'nogo amingmingengge halok, niren attagat hat mondok weak hilinghafugu a'nogo wene ninoba korogo wokhambik, sagalogo legetfisoak, agama o, iluk yagasi lano o,” iluk lakfisasukwama Yusuf yagasi lagaukwama, wene iren isukwa wene andi at Yusuf yagatu kwelek esanggo holhikhesik he, le agaikhe.

MAZMUR 20:8

It ap ekhe fena nen he inangge kereta amboloba lagaluk weim yabik lagaikharek mene a'nogoba inendawinggen tibet fagarek. Nen it ekhe fena re inanggo kuda ba inendawinggen tibet fagarek. Oba nen nit he nineisena Tuhan Allah a'nogoba nek tipsek mondok welago.

MAZMUR 46:8

At Tuhan Omame Hokho mene a'nogo nen fetninarek mondok welagarek. Yakub eisena Allah a'nogo nen, nit ninebe at awe a'ma ninobagaluk fetninarek welagarek.

AMSAL 16:20

Wene hat hoba yagahetu mene andoma fanorogo futfikhi logogin halok he fano mene andoma hat hoba aga logogin. Tuhan oba hendawinggen tibet fuluk logogin halok he hat hebe mondok fanorogo hagaiyekhogo logogin.