MAZMUR 143:11 - Allah Wene Fano Wene Hupla Inane

¹¹ Tuhan neisena, Haren wene watnisasigin mene higithogo telnabin o, Haren fano hilinginafendek mene a'nogoba an enggin-fenggin noba agama welagi mene yi lologo nobagain o.

MAZMUR 143:11 Referans Kwoze

MAZMUR 31:1

Wuni wulak fuluk ambine ugunem melalinafu mene faget, Daud awuni.

MAZMUR 119:25

An nebe wul oba wengik welagi mene yi re, Haren wene watnisasigin mene a'nogo higithogo fano hilingisogo menobagain o.

MAZMUR 119:37

An nen wene tulemat mene omanogo faget murok lagalagi hanogo re Haren kagalnarek logolik, an nebe Hat hendawimo anggikhi lagen higithogo logouwageluk hilingnobagain o.

MAZMUR 71:2

Hat he katokhogo nek hilingiti lagenma re an fikhalogo nobagain o, an nane hesanggo holfuluk nagap telnabin o.

HABAKUK 3:2

”Tuhan neisena, Hat hobabut hilingiti lagen mene andoma nesanggo holhiresik he, nendawimo nen Hat hobaget hilingisu hagenek hilingnabi'lago o. Attak hilingiti lagagin andi hak, yogondak ekhe hilingitik, weinamet figik, ino. Ha'mage lagakhi logoligat he, hendawit ninabin o.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 119:88

An nen Hat hawene melalek andi hologo nek hilingiti logogin nen he, Haren hendawi hundik mondok welagen mene a'nogoba nagap telnabin o.

MAZMUR 85:6

Haren he mondok-mondok faget wena'nisugu logogin nogo a? Nen ha'mage ninoba fugu mondok logogin a?

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

MAZMUR 25:11

Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.

MAZMUR 143:1

Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 119:107

Tuhan neisena, an nebe sebel nobagagunem elo'lekhogo hilingik welagimo re, Hat Hawene melalek oba neluget nobagakhi logoin o.

MAZMUR 119:40

Haren wene tekhogo fesigin mene a'nogo nek hologo hilingiti logogin iluk nendawimo omamet figimo re, Haren neluk ket mene wo'nomo.

MAZMUR 25:17

Nendawi fit lari'logo mene re hokhorogo ari'lagoma re, nendawi fiti lagi mene andi Haren fikhalogo nobagain o.