MAZMUR 142:6 - Allah Wene Fano Wene Hupla Inane

⁶ Tuhan neisena, an nen we Hat hoba nek henu hombuk palhu mondok welagi, Hat hawea'ma nagap telek welagi, an nebe neluk logolik oba ya re Hat hebe ninom logogun andi nek namolo welagi.

MAZMUR 142:6 Referans Kwoze

MAZMUR 79:8

It ninombawi nen weak hilingiti lagaukwa mene andiba nit wene ninoba fugun o. Nit he ninendawinggen mondogat nonghong ugunem welago hilingi'mo re, Haren weak-weak hendawit ninabin o.

MAZMUR 116:6

At Tuhan nen he it afuni inenu lek mene fanorogo ferinarek welagarek. An nomame mondok lek logolik, nebe tela elo'lek were'ma, Aren an nebe telnafikhe.

MAZMUR 136:23

Nit ninebikhit mabenet ninobagagu sambul andi re At he nit faget onggot agarek mondok lek. Endawi hundik hilingninaferek mene andi re mondok-mondok logogin mene.

MAZMUR 17:1

Wene eberogo mene nek hilingnobagain, iluk henu hombuk palhi lagi mene andi hesanggo holnafi logoin o, Neisena Tuhan, an nendawinggen mondok pikhithogo hilingik logolik samban hoba kino yagaheti lagi mene andi re futnobagakhi logoin o.

ROMA 8:37

A'nogo meneat he, Allah ninebe endawi nen ninoe Enupogot Kristus Yesus wo'nisasikhemo ebe wa'lagaikhe andiba ninom hundik were'ma ninebe wa'lasumo inom, nineluk logoumo inom, andi nen minggilogo ninobagagin elo'lego. Malaikat pogoroba yonggo nikhirek mene andi inom, pogoroba inomame werek mene ekhe andi inomen, minggilogo ninobagagin elo'lego. Yi mene ti mene yogondak hilinglagarek mene inom, hobuk hilinglasigin mene inom, andi nen minggilogo ninobagagin elo'lego. Nen, omame werek mene ekhe nen minggilogo ninobagagin elo'lego. Nen, Allah nen walhasikhe mene hunigat mene ekhe nen minggilogo ninobagagin elo'lego. At Allah nen ninebe endawitninafikhemo, Kristus Yesus hilingitikhe andiba, mondogat a'nogo weak hilingninafunem nit minggilogo ninobagagin elo'lego. We, afuni wulil tagalogo inoa'luk inomame agaikharek hak ninomame agorek iluk futfikhi lagi.

ROMA 8:33

Allah nen ninebe wenagaisogo wo'ninafikhe mene halok, wene ninoba mene korogo wokhamo re, hobuk wene sa nen ninoba fagain nogo? Elo'lego.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 59:3

It afuni weak hilingitarek mene andomaba nen an fikhalogo wulak nobagain o, it ap ware andoma inenggimo nen telogo wulak nobagaime o.

MAZMUR 38:19

An nen taganhogo hilingiti mene omanogo faget ebetu logolik nendawi fit lagunem he, an nen naweak omanogo fageti lagi.

MAZMUR 18:17

At ebe legoma po'lima nen enggi pelakfei we'luk he, an nebe fagaisogo wo'naferek. I fu lagarek mene agumo nen heiselogo wo'naferek.

MAZMUR 3:1

At Daud amlogo Absalom a'nogo nen mukhugu nen ailo'luk heise lagaikhesik wuni isikhe mene re yi.

1 SAMUEL 24:14

Omanggum inalue nen inane lagokhogo ikhi logolik he, Afuni inobabut weak mene nenat weak hilingitarek, iluk ikhi lagaukwa andi hat he helu o. Andi nenat, an nen hat hoba weak ekhe hilinghabigin mondok lego.

MAZMUR 143:3

It naselei mene nen an si'narek mu'narek nikhi logolik nomame leget nobagali'lagwi andi, nen iren an nebe hele warogo fisagarek oba mondok mumse'ma omanogo nobagagunem he, an nebe ap attak wa'lagaukwa mene omanogo hangge hilingla'luk welagi.

MAZMUR 27:13

An nebe o kweangma yoma neluk were'ma, At Tuhan endawi fano nen hilingfisikherek mene a'nogo hagain iluk an nendawimo nen ibi-eberogo anggikhi lagi o.

MAZMUR 46:2

At Allah andi re, nit ninebe At awe a'ma ninobagaluk, fetninarek mondok logolik omame wo'nisikherek. Yi enggin ti enggin hugu were'ma, Aren higithogonek lebetnisikherek.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.