MAZMUR 141:5 - Allah Wene Fano Wene Hupla Inane

⁵ Ap fano mene ekhe nen an nenggali warogo nobagaluk, endawi fano nen komotnafu halok, andi faget an nendawimo nen he amusu fano mene hangge anggikhi lagi. Iren ina'mageba hilingiri'lagwi mene andi faget he hundik-handik samban ikhi lagi hilingi'mo re, andi faget an nen herak fou lek hak.

MAZMUR 141:5 Referans Kwoze

PENGKHOTBAH 7:5

Ap wenggelek mene nen wenagisagarek andi re mondok fano, oba nen ap futfou elo'lek mene nen fogerinafarek andi nek he mondok weak.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.

GALATIA 6:1

Nerugwi nagaila'lak. At ekhe weak hilingitunem hineilenggen hegep halok he, at andi ambotkwe obabut hebelasuageluk, hit Allah Areagun eberogoat hinendawimo werek mene nen hinane liokhogo komo'no o. Komotunem a'nogo, hit a'nogoat hinoba asinogo iluk, hinonggwarek hinebe hebelogo logoino.

AMSAL 25:12

Afuni inendawinggen kagalek mene nen it ekhe inesanggo holu inagaiyek were'ma yagaisagarek andi re, senggan emas mene inenggimo itik, inalilingge emas mondok fano mene inesanggoma kelhik agarek andi higit.

AMSAL 19:25

Ap wonoget fakhagarek mene unggum wogisugunem he ap unggum wanharek inonggot mene re a'nogoba nen fut fagarek, nen ap obabut hebelek mene wenagetu halok he hobuk ekhe inomat obabut hebelagarek.

AMSAL 15:5

Ap obabut kembu mene re, eisena nen komotunem endawimo seramet fuluk herakfisikherek, nen ap endawinggen kagalek mene nek he, komotu mene a'nogo esinetfuluk endawinggenma wanherek.

2 TAWARIKH 25:16

At Amazia nen ikhi logolik he, ”Hat he raja komotu mene logoinogoluk hobagogo re fuk! Hane lek ame. Nen hat hane igin halok he niren hebe hoasuogeluk welago,” iluk yagatikhe. A'nogo yagatikhemo re at nabi a'nogo ane lek agaikheba nen he oan ane lek agi'lek logolik he mel yagatikhe, ”An nen komothafi mene andi hol fegen leksik hun haren hobabut hilingiten mene andiba re At Allah nen hat hebe weaget hobagagiluk fik-foukhogo hilingfikhesik werek andi,” iluk yagatikhe.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

MAZMUR 125:4

Tuhan nineisena, it afuni fano hilingiri'lagwi mene inom, nen inendawinggen sakhorek mene inom andoma inoba Haren fanorogo nek hilingfisikhi logogin o.

MAZMUR 51:18

Hat he, wam warogo wokhesu re habit andi nen he, an nen Hat faget wam warogo nolhesigin mene ogore, Haren habirat andi.

MAZMUR 23:5

It an naselei mene ineilhanem en he, Haren nahenengge wo'nafi lagen. Haren ap kain mene afuni inambok wagunem hakhogo hilingnafi lagen. Harenat nagai nunggu mene ele sophogo hinagaisogo wo'neti lagen.

MATIUS 5:44

A'nogo meneat he, an nen wene ekhe yi yagahisak. At nineisena Allah pogoroba mene mo eisewerek logolik kweangma selekhogo afuni inobabut weak mene inom, fano mene inom, mondogat faget yaginafik, nen, meiso pelakfei wagarek andi re, it higit hilingiri'lagwi mene inom, weak hilingiri'lagwi mene inom, mondogat faget pelakfisa wagik, ikherek andi hak, hit hineisena Allah pogoroba mene againafuriat asubagaigeluk, afuni hinom weak mene andi hinendawirinafi logolik he, it weagethinabi'lagwi mene andi, Allah nen fanorinabuageluk it faget samban ikhi logoino.

AMSAL 15:22

Wene melalek sugwi agarek andi re furogo wenggelhigik, kumuthigik agarek lek andiba o, wene melalek higit agarek andi re komo wene hokhorogo komorinafarek andi nen o.

IMAMAT 19:17

It afuni ekhe faget hit weak hilingitep hanogo nen he, it ekhe hinom weim palek hangge welagep mene andi, inoba ambumet fuluk logogun mondok lego. We, sagalogo legetfikhi logogun o.

AMSAL 12:1

Ap ekhe inelu agarek mene faget agaiyek werek mene andi re, komorogo wenagetu halok he agaiyek anggikherek. oba nen he ap ekhe komotu mene andoma abit anggugu halok he at andi ebe kembu mene werek.