MAZMUR 14:1 - Allah Wene Fano Wene Hupla Inane

¹ Afuni inobabut kembu mene inendawimo nen he, ”At Allah ebe re werek lek,” iluk anggikhi logolik he, inobabut weak mene nek hilingitik, ina'meilo mene nek hilingitik, hilingitu logolik he. Fano mene ekhe hilingiterek mondok lek.

MAZMUR 14:1 Referans Kwoze

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 53:1

Afuni nen wuni wulak fuluk inebe ambine seberogo ugunem yanggulinafu mene faget, wuni unggulenu Mahalat ebene felalek mene. At Daud en yanggulinafikhe awuni.

MAZMUR 92:6

Tuhan neisena, Haren ekhe mene ekhe mene hilingiti lagen mene andoma re mondok hokhorogo hilingik, Haren wenggelhi lagen mene andoma re mondok uanhogo wenggelhi lagen!

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

MATIUS 12:34

Hit hinebe kisu nen tagongge mene yoma sani! Afuni nen yi wene ti wene inambeba nen agarek andi re, inendawimo peterek logolik kagalogo lagai wagunem agarek andi nen he, hit he, hinobabut weagat logolik wene fano mene ikhi logogun nogo? Elo'lego.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

MATIUS 15:19

Inendawimo nen wene weak mene ebetik, afuni inoatik, hemi ap inagagwi mene pailak fakfisigik, helimenggerugwi pailak fakfisigik, yogot wanhik, ineranenat it ekhe wene inoba figik, inabok wiik-weakhogo palhik, agarek andi re, inendawimo nenat kagalogo lagai wagunem wulafarego.

AMSAL 1:7

Nen ninelu mondok asuageluk halok, attak-attak he, hineisena Tuhan along anggikhi logolik, At oba nek hinailo anggikhi logoino o. Afuni kembu mene re, inendawinggen kagalek mene andi inabit welagik, yagaisugunem inabit mondok welagik agarek andi.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

EFESUS 2:12

Andi sambul Kristus ebe hinom heksek logolik, hinebe Israel mene lek. We, it ekhe mene welagagip. A'nogo were'ma, at Allah nen he, wene it Israel mene inom wati logolik he, ”Yi'nogo hilinghinabigin,” iluk abok yagaisasikhe mene a'nogo, hit hinonggorat logolik, ”Fano asigin,” iluk hinendawimo anggigi'legat, Allah awe a'ma kwigi'lek, kweangma yoma logolik, Allah ebe hinonggorat welagagip.

AMSAL 27:22

Ap kembu mene andi re yei ourogo inoasugun meneba nen ogore, kemburogo hilingitarek mene andi hobuk ogo inobabut hebelugun lek.

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

AYUB 22:13

A'nogo werek oba nen haren ikhi logolik he, ”At he nena mene elu a?” At ebe anggulok ambol fikhit andoma were'ma re, Aren nit faget ayo wurogo pilingninabu lek hak,” ikhi lagen.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

YESAYA 1:4

Hit he weak mondok hokhorogo hilingitu welagep andiba re weak anggele'ma kwegepsik welagep andi, hinobabut he nonghongsek logolik hinobaharo mondogat weak. Hiren hineisena Allah Horek Mondok werek mene a'nogo oba fogeratu logou mene a'nogo re hinambot woge'luk hineisena Tuhan a'nogo ninabit iluk herakfisasigip andiba re alomat lakhouwogeluk welagebo.

MAZMUR 107:17

It ekhe inonggwarek inaweak hilingiti lagaukwa andiba re inobabut kembu logolik weak mondok hugu welagaukwa. Nen it inonggwarek weak oba re inoba enggin-fenggin fikhi lagaukwa.

AYUB 15:16

Nen, nit afuni weak mondok nonghonghogo, hilingiti lago mene yi, weak andi mondok i hak hilingik logolik hundik-handik hilingiti lagoma re ebenagaik fanoaphogo ninobagau re mondok elo'lek.

1 SAMUEL 25:25

Neisena haren at Nabal aren fano mene ekhe hilingisu lek mene onggwarek enu higithogo mondok kembu mene andi faget wenggelu fugo! Neisena haren ap lakfisa wagen mene andoma re an hamingmingengge neilenggen endep ekhe isigi lego.

AMSAL 13:19

Yi mene ti mene inendawimo inamolo anggagarek mene andi ebe helaluk he, inendawimo inagaiyek mondok agarek. It afuni kembu mene andi inobabut he weak mene andi herakfisaluk inobabut hebelu inabit welagaikharek.

PENGKHOTBAH 7:20

Kweangma yoma re ap obabut mondok fano mene ekhe werek lek, fano mene nek hilingiti logolik weak mene ekhe hilingiti'lek welagaikharek mene werek legat.

YEREMIA 5:12

Tuhan againafuri nen he Tuhan ebe faget wene eberogo lek mene ili'lagwi. Iren ikhi logolik, ”Ah, Aren he yi'nogo ti'nogo hilingisu lek hak. Nen, nit he enggin mene ninoba asigin lek, weim aleik inom, sumburu ouwak inom andoma re hogoin legat.

YEREMIA 6:28

It mondogat inobabut he, An nawe a'ma logou inabiren inungguloak mondok helep haroweak andi hangge logolik posiemanggen haro andi hak a'luk hilingitarek. Ina'meilo mene hilingiti logolik, afuni ekhe inenu weagarogo inane tindel weagengge afuni inabok palik nikharek andi.