MAZMUR 139:18 - Allah Wene Fano Wene Hupla Inane

¹⁸ Nen wenasumo nen he, ial he we endep hangge oba nen he Haren ebeti lagen mene andi re mondok hokhorogo hilingik. Nen an neluga'luk mene ogore Hat hoba ebetu mondogat welagi andi.

MAZMUR 139:18 Referans Kwoze

MAZMUR 3:5

An nen nane ninghogo Tuhan yagatunem he, At Andom horek meneba omanogo nen nane onggo yaganeri'lago.

MAZMUR 139:3

Yabu hilingitunem inom set walugunem inom, heilenggen kwela'narek welagen. An yi'nogo ti'nogo hilingitunem, Hat he helu mondok welagen.

MAZMUR 40:5

It afuni ekhe Tuhan hoba himbirik logolik, tugwi kembu fogeratarek lek mene inom, it ekhe leget fakhagarek mene nen inebe telinabuageluk inayonggo fagarek lek mene inom, andoma re, hobuk inendawimo inagaiyek asugun o.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

1 TESALONIKA 5:10

At Yesus ebe nit faget ninom nineluk mondok logouwogeluk wa'lagaikhesik he, hobuk wesigin andi, ninebe wa'lasumo wesigin he a? Nineluk were'ma wesigin he a. Fano nek. At ebe wesimbik, ninom nineluk mondok logogun andi.

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

MAZMUR 40:6

Tuhan neisena, Haren elalin mene hokhorogo hilingninafi lagen. Neisena Tuhan Allah, Hat hinom higit mene re ekhe werek lego. Haren yi'nogo ti'nogo elalin mene nit faget hilingninobagagin mene mondok hokhorogo melalogo fegenma werek. Niren wene andoma mondogat pilingisumo re, elo'lego.