MAZMUR 139:16 - Allah Wene Fano Wene Hupla Inane

¹⁶ An nagaisa alabutmo nen, nebe oan werek kwelek, Hat heilenggen neasigin, An hilingnafigin mene andoma mondogat he, Hat hambuku ba lisu palogo fesigin. An nebe elalnafi'lek logolik, An neluk ti huli nen logogin iluk andi re Haren yi mene ti mene misik iluk ogo oan elalhi'lek logolik mondogat wenagaisogo fesiginmo welagi.

MAZMUR 139:16 Referans Kwoze

MAZMUR 56:8

Neisena Allah, iren weak mene nek hilingiri'lagwi andiba it inebe telinabu hak mene ekhe werek nogo? Hat ha'mageba nek it inebe legetfisan o!

MALEAKHI 3:16

Andi nen it afuni Tuhan oba inailorogo logolik it ekhe nen ekhe inoba yagaisugu welagaikharek. At Tuhan nen he iren ugu mene andoma inane esanggo holherek. Afuni At oba inailorogo logolik agaugweratarek mene re buku At enggi nen palherek mene At elokhoma werek mene a'nogoba inenu palek werek.

WAHYU 20:12

A'nogo legagu kwelek, afuni wa'lagaukwa mene inenuwerek inom, inenu lek mene inom, at kain obuluk oba werek a'nogo elokhoma mendek were'ma isigi. A'nogo werek kwelek, suesingga mondogat fikhalhik, suesingga ekhe afuni ineluk mondok logouwageluk fanorinabigin mene halok inenu lisu palek mene fikhalhik, ikhi laga. A'nogo fikhalhaluk, it afuni wa'lagaukwa mene inobabut hilingiti lagaukwa mene suesingga andomaba lisu palek mene higithogoat wene inoba figik, kotik, ikhi laga higi.