MAZMUR 139:12 - Allah Wene Fano Wene Hupla Inane

¹² Hat helokhoma o mum andi mene sali wesumo re elo'lek. O mum asigin mene a'nogo o linggene higit selegasigin. Nen o mum andi inom selek andi inom Hat helokhoma re higit enek werek.

MAZMUR 139:12 Referans Kwoze

DANIEL 2:22

Arenat yi wene ti wene elonggoma hinago mene ebe yi'nogo asigin iluk mel fakhogo yagaisigik, ikherek. At ebe o selek ombak-bak oba huli'liphogo logolik yi'nogo ti'nogo o mum oba agarek mene andi re At mondok elu nek.

AYUB 34:22

O mum se'maba nen ogore, it afuni weak hilingitarek mene re hina'lasu lek hak?

KELUARAN 20:21

Yagaisasikhesik, it afuni omanogo inebe yatkwe mendek werek kwelek, at Musa a'nogo nek he, o hena eil mondok mum hik-hak se'ma At Allah ebe werek higit asi lagaikhe.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

AYUB 26:6

At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.

KELUARAN 14:20

afuni Mesir mene esa logalek welagaukwa honggolek, afuni Israel mene esa logalek welagaukwa honggolek lagaikhesik he, mondok welagaikhe. A'nogo logolik, at ohena telik welagaikhe a'nogo nen it Israel mene inoba selegerati logolik, it Mesir mene inoba mum hilingisogo fesikhemo re, mum werek kwelek, afuni Israel mene esa logalek it Mesir mene esa logalek inom horokhogo ambi asu mondok elo'lek agaikhe.