MAZMUR 136:6 - Allah Wene Fano Wene Hupla Inane

⁶ Aren kweang ari i amboloba talogo fesikhe, Endawi hundik hilingninaferek mene andi re mondok-mondok logogin mene.

MAZMUR 136:6 Referans Kwoze

MAZMUR 24:2

Aren kweang elalhi logolik, i laut uan yenggele'ma, tik ninghogo warogo fesikhemo werek.

YEREMIA 10:12

Tuhan Omameba kweang elalogo fesikhe, ungguloak kagalek obare kweang mondogat hilingisogo fesikhe, nen awenggelek obare pogot tiaganet fesikhe.

KEJADIAN 1:9

Hobuk Allah nen he, mel isikhe: ”I pogot a'ma welagen ari, kweang weinam asimbik logouwagen he, elesi wulagaisogo misi'mo andogosi laga logoino o,” iluk isikhemo, arat hilinglagaikhe.

YESAYA 44:24

Tuhan hinagap telhinaferek mene, hagaisa alabutmo oan werek kwelek pugun hafe mene a'nogo nen ikhi logolik, ”An hineisena Tuhan Allah nen yi mene ti mene andoma mondogat elalogo fesigi, An namu nenat pogot tiaganet figik, nen it ekhe nen lebetniigi'lek kwelek, kweang elalogo figik, isigi.

YESAYA 42:5

Nineisena Tuhan Allah nen pogot elalogo fesikhesik talogo figik, kweang ebe inom, yi mene ti mene oba fuleligin mene inom elalogo figik isikhe. Aren afuni inoba set inom ineluk logogun mene inom wogisasikhe, nen At amingmingengge mene oba re wene yi yagate:

AYUB 26:7

At Allah nen he pogot i yenggelek mene amboloba talogo fikhe. Nen kweang he we selek pele'ma kologo fesikhe.

ZAKHARIA 12:1

Afuni Israel mene faget yagaisoageluk ikhe mene re yi. Tuhan nen pogot tiaganet figik, kweang elalogo figik, afuni inoba ineluk mene wogisigik, isikhe mene a'nogo nen ikhi logolik,

YESAYA 40:22

Walhasikhe mene re kweang abuk-abuk waganek ari ambol oba hurek werego, afuni inebe At elokhoma re migindik-magendek no pulue hangge hilingik. Aren he, pogot ari re su kain hangge talogo fesikhesik, o sabu logogin oba wutarek higit wurogo fesikhe.

AYUB 37:18

Hat hebe Allah higit a'luk henggi nen pogot hesagal enggen were'ma andi tualogo foumo re eloga, nen arigin fuluk afuni nen amulirengge eilafumak hangge mene inom, logam hangge inom kweisalogo haro asuageluk hilingfagarek andi hak hilingisumo eloga?