MAZMUR 136:23 - Allah Wene Fano Wene Hupla Inane

²³ Nit ninebikhit mabenet ninobagagu sambul andi re At he nit faget onggot agarek mondok lek. Endawi hundik hilingninaferek mene andi re mondok-mondok logogin mene.

MAZMUR 136:23 Referans Kwoze

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

LUKAS 1:48

An at amingmingengge mene yi, inawe a'ma hak were'ma eilenggen niikhe. Huli yogondagen afuni mondogaren he, Allah nen fano mene wogetemo, iluk ikhi logogun o.

MAZMUR 142:6

Tuhan neisena, an nen we Hat hoba nek henu hombuk palhu mondok welagi, Hat hawea'ma nagap telek welagi, an nebe neluk logolik oba ya re Hat hebe ninom logogun andi nek namolo welagi.

MAZMUR 116:6

At Tuhan nen he it afuni inenu lek mene fanorogo ferinarek welagarek. An nomame mondok lek logolik, nebe tela elo'lek were'ma, Aren an nebe telnafikhe.

MAZMUR 113:7

Afuni inenggi lek mene re fesimo wula'lakse'ma andoma nen legeisogo fisili'lago, nen afuni inebe mondogat lebelek a'luk werek mene re wul oba nen menfisili'lago

ULANGAN 32:36

Nineisena Enupogoren, againafuri telinabimbik, it afuni at amingmingengge mene, inomame legasimbik were'ma, it hilingisu elo'legen he, Aren eilenggen isambik endawirinabigin.

LUKAS 1:52

Afuni kaindek inenupogot welagaikharek mene andi sebelogo fisikhi logolik he, it inenu lek mene andi menfisigik,

KEJADIAN 8:1

Allah nen a'nogo inoati logolik, at Nuh ebe inom, wam, sue, paik, yi mene ti mene inom, kapal a'nogo elema kwisukwa mene inom, enek he, inoba inonggot agi'lek eberek mondok welagaikhesik, Allah nen sogoi funhoageluk hilingitikhemo, funhikhi logolik, i a'nogo pi wesigiluk isikhe.