MAZMUR 136:10 - Allah Wene Fano Wene Hupla Inane

¹⁰ Aren he o Mesir mene inagainafuri manggusa tago inebe pinggi inoatikhe. Endawi hundik hilingninaferek mene andi re mondok-mondok logogin mene.

MAZMUR 136:10 Referans Kwoze

MAZMUR 78:51

Aren he it afuni Mesir mene ineisok erokwe lombok, inamlogomi manggusa tago omanogo inoatikhe.

KELUARAN 12:29

A'nogo hilingitukwama, o hubanggo andi sambul hup enggen tulem nineisena Tuhan nen afuni Mesir mene inagainafuri ap manggusa mene nek, ero at raja Firaun amlogoba nen pikhit ap inenggi hele warek welagaukwa mene huli inagainafuri mondogat inoatikhe. A'nogo inoati logolik, wam eagwi attak tago mene mondogat inoatikheat.

MAZMUR 135:8

O Mesir oba omanogo nen he Aren afuni inagainafuri manggusa tago omanogo inom, yi mene ti mene attak tago welagaikhe mene omanogo inom mondogat inoatikhe.

MAZMUR 105:36

A'nogo hilingitikhesik hobuk Allah nen, afuni Mesir mene inebe lombok inagainafuri ap manggusa tago mene halok, inebe felelenghogo inoatikheat.

KELUARAN 12:12

A'nogo nogoin andi sambulat hubanggo An o Mesir yi awi ti awi mondogat neilenggen kogolik waga logolik, inagainafuri manggusa tago ap mene nek inom, it inanggo ai mene attagat tago mene inom mondogat inoasigin. Nen, afuni Mesir mene nen yi mene ti mene oba himbirik logolik fogeratarek mene andi mondogat weaget fisagain. An Nebere Hineisena Tuhan.

IBRANI 11:28

Wulibi wagaikhesik, endawinggen a'nogoat Allah oba himbirik logolik, at malaikat ekhe afuni inebe inoaterek mene nen, afuni o Mesir mene inagainafuri manggusa tago mene inoati logolik, afuni Israel mene inoasinogo iluk he, wam domba warogo enu paskah ninggi logolik, amep o kwe ebene lombok warik loageluk yagaisasikhe.

KISAH PARA RASUL 7:7

Mene re, it afuni inawi weregen inawe a'ma fisaluk ferinarek logogun mene andi, an nen wene inoba fembik weagerinabigin o. Weagerinabumo, haren tagongge mene andi o andoma nen wulibi wesimbik he, o yoma logolik, an fogetnafi logogun o, iluk Allah nenat yagatikhe.