MAZMUR 135:6 - Allah Wene Fano Wene Hupla Inane

⁶ O pogoroba inom, kweangma inom, i laut oba inom, i laut unggut uanhogo yenggele'ma andoma inom, At onggwarek endawimo wenggelherek mene higithogo nek hilingiterek.

MAZMUR 135:6 Referans Kwoze

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

MAZMUR 115:3

Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

MAZMUR 33:11

A'nogo meneat he At Tuhan nen, ”Yi'nogo hilingisigin,” iluk endawimo anggikherek mene andi re, legetfoumo re mondok elo'lek. Yi tahun ti tahun mondok-mondok welagarek.

AMOS 9:6

Tuhan awi re yatma pogot huli warek oba po'lima wuterek, nen, kweang ambololoba re pogot huli warogo fikherek, nen i laut oba nen heilanghogo kweangma wulabi wagik ikherek, andoma mondogat hilingiri'lago mene andi enu re Tuhan.

AMOS 4:13

At nineisena Tuhan nenat o tom-tom andoma walhogo figik, sogoi elalhik, isikhesik he, at endawimo anggikherek mene re nit afuni yaganisikherek. Andi nen o linggene inom, hubanggo inom Arenat walhasikhesik, ebe o kweangma yoma yi awi ti awi tom unggul kwe nikherek. Enu re, Tuhan, Allah Omame mondok hokho mene andiat.

MATIUS 14:25

A'nogo hilingitunem, o wei igeluk hil mogolhu kwelek, at Yesus eisok i agum ebene filik inoba wagaikhe.

DANIEL 4:32

Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.