MAZMUR 133:3 - Allah Wene Fano Wene Hupla Inane

³ athe lilengge tom Hermon oba nen o Sion punukwe pi wagarek higit werek. Andoma mondogat he ineluk mondok-mondok logogun mene faget At Tuhan nen fanot fisikherek.

MAZMUR 133:3 Referans Kwoze

ULANGAN 28:8

Hineisena Tuhan Allah nen hiren ekhe mene-ekhe mene hilingitunem fanothinobagagik, hinangge gandum enggen palhu mene re su ambe peterogo kwalogo hinobagagik, ikhi logogin. O kweang Aren wokhisikheba andoma were'ma hinoba fanothinobagakhi logogin.

IMAMAT 25:21

A'nogo hilingi'mo tahun 6 meneba re At Tuhan nen hinanggweang oba fanot foumo re, 3 tahun he enggen itu mondok logogin.

ULANGAN 4:48

Kweang a'nogo fesukwa mene andi re o kota Aroer i Arnon esanggoma nen he hiling-hiling abel ambolkwe tom Siryon tom Hermon agarek mene a'nogo were'ma nen he,

1 YOHANES 5:11

At Allah nen amlogo faget wene fakhogo yaganisikhi logolik, ”Inebe ineluk mondok welagaikharek andi ero re, an namlogo atma re, an nen Yesus ebe wokhisikhi logolik, nabulal-habulal ebe mene wokhisasigi andi,” iluk yaganisasikhe.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

MIKHA 5:7

Afuni Israel mene fena ineluk werek mene andoma, afuni inunggulenu lombok inanggelekwe andoma werek mene re enggama mene singa nen paik watik, nen oloba nen he wam domba senggelhik ikherek hak hilingiti logogun. Mene singa nen he wam domba omanogo eisogen tandamerisaluk he, aigen libik-labakhogo ninggik, ugunem afuni nen ambemangge telu elo'lek andi hak hilingik logogin.

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

YOSUA 13:11

Nen o Gilead, Gesur, Maakha maserogo andoma inom, Tom Hermon oba andoma mondogat inom, o Basan kwe nen he Salkha huliba andoma wogisasikhe.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

1 YOHANES 2:25

Nen, at onggwaregen, ”Wokhisagain,” iluk abok yaganisasikhe a'nogo re, ninebe nabulal-habulal hilingninabigeluk isikhe o.

AMSAL 19:12

Raja a'mage re mene singa nen ngineterek andi higit lagaikherek, oba nen he at raja nen fano hilingiterek mene andi re lilengge enggabene sakhoraterek andi higit werek.

MAZMUR 21:4

Hat hebe waga logolik hangge yi mene ti mene at oba fanot fei wagik, at ungguloba kware-kware emas oba hilingik engge puget fei wagik, isigin.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

MAZMUR 21:5

An neluk logogin iluk kino isikhemo Haren wogetendik, at ebe eluk umur uanhogo logouwageluk hilingfesigin.