MAZMUR 133:1 - Allah Wene Fano Wene Hupla Inane

¹ Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

MAZMUR 133:1 Referans Kwoze

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

1 KORINTUS 1:10

A'nogo meneat he, nerugwi nagaila'lak. Ninoe Enupogot Yesus Kristus enuba, wene ekhe komothinabik. Hit mondogat hinebe minggilhi'lek hai warogo logolik he, hinane misigat mene igik, hinendawinggen misigat welagik, hinendawimo nen wene misigat mene ebetik, ikhi logoino.

YOHANES 13:35

Hit-hit a'nogo nendawi-hendawirogo hilingiti logogun halok, it afuni mondogat ineilenggen hisaluk, it yi Yesus agoromi eberogoat higi, iluk inelu asugun o,” iluk yagaisasikhe.

IBRANI 13:1

Nerugwi nagaila'lak. Allah againafuri hinebe misigat mene hangge nendawi-hendawirogo hilingiti lagep mene andi, a'nogo hinom hundigat hilingiti logoino o.

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

YEREMIA 32:39

Iren An foge'nabuogeluk inebe misik inobabut misigat a'luk hilingiti logouwageluk wogisagain mene andi re, inenggi mondok-mondok andoma faget An noba inailorogo hilingiti logouwageluk hilingfisagain. Andiba re it inebe inom iren tagomangge mene inom fanorogo nek logogun.

KEJADIAN 13:8

Inagoromi wam konhi lagaukwa mene wene a'nogo palhi lagaukwama, at Abram en Lot mel yagatikhe: ”Nit ninebe misigen tago hilingi'mo, hat hagoromi inom, an nagoromi inom wene a'nogo pali'lagwi andi weago.

KEJADIAN 45:24

A'nogo hilingitukwasik aren agaila'lak omanogo lakfisikhi logolik he, mel isikhe, ”Ebekhe kwe yele yabik la fuk.” iluk yagaisasikhesik lakfisasikhe.

YESAYA 11:6

Mene olo mene enu serigala andi re domba inom seberogo logogun, nen no macan tutul andi re kambing eak era'lu wengik logogin. Sapi eak he mene singa eak inom engga misikwe tekhigik ninggi logogun, a'nogo nunggunem he yenggerugwi magendek mene nen woginarek nikhi logogun.

MAZMUR 131:1

Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

YESAYA 11:13

Kerajaan Israel en mene re Yehuda meneba a'marikhogo kwelakhikhi logogin lek. Nen, Yehuda nen mene re Israel mene inom seleirogo logogun legat.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

YESAYA 11:9

Allah andom Sion fano Horek meneba andoma re inaninirogo hilingitarek mene inom, weak hilingitarek mene inom, logogin lek. O kweang andiba mondogat he, i nen laut agum hopot fikherek andi hak, Allah inelu agaikharek mene andi nen hoporek logogin.

MAZMUR 124:1

Wuni Daud en watikhe mene Allah awi wuri'mo lagakhi logolik watukwa awuni. Tuhan ebe nit werekwe a'lep lek logoumo nen he, ninggin la'lep anggegep? Hit Israel mene nen, nane wurep waganogo mel ikhi logoino:

MARKUS 3:25

Nen, ap ekhe againafuri inom hulit fakhaluk inom weak logogun halok he, ap misigat againafuri inom logolik fano welagaukwa hak logogun lek. Weak asugun aro.