MAZMUR 129:4 - Allah Wene Fano Wene Hupla Inane

⁴ Oba nen he At Tuhan mondok tiphogo nek hilingiterek mene a'nogo nen, an afuni nen sebelnarek were'ma fikhalogo nobagaikhemo welagi.

MAZMUR 129:4 Referans Kwoze

MAZMUR 119:137

Tuhan neisena, Haren he mondok katokhogo nek hilingiti lagen, Hat hawene melalek andoma re tiphogo nek hilinglagarek.

RATAPAN 3:22

Tuhan nen endawi hundik nafe mene andi re mondok-mondok logogin mene, At endawimo fanoba hilingnaferek mene andi re lek asigin mondok lek,

DANIEL 9:7

A'nogo hilingiti lagagu andiba, Haren higithogoat hilingninafendek meneat he, nit ninebe afuni Israel mene mondogat, o yogondak ninenggali hikhi lago yi o. Afuni o Yehuda mene inom, Yerusalem mene inom, nit ninebe Hat hoba lombokhogo welagi'lek hilingiti lagagu andiba, Haren pugulogo o yatkwe la'ninobagai wagaginmo o ekhema-ekhema welago mene ninomat ninenggali hikhi lago, neisena.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

NEHEMIA 9:33

Niren weak mondok hilingitu kwelek meneat he, hat hebe ninoba lombokhogo mondok logolik, nit weak hilingitorek mene faget higithogoat wene ninoba figik, kotik, egendek andi.

EZRA 9:15

Afuni Israel mene ineisena Tuhan Allah, nineisena Hat he mondok katukhogo nek hilingiti lagen mene, oba nen hilingik kwelek nit nineluk logouwageluk ninobagegen. Afuni ninaweak hilingik kwelek he nit Hat helokhoma we'luk u aple re elo'lek oba nen, nit Hat hambit ninaweak fagesi waga lago, neisena,” iluk samban igi.

MAZMUR 7:12

At Allah andi re yi hari ti hari afuni weak hilingitunem wene inoba fuluk, inawene ayo wurogo katokhogo palherek mene werek.