MAZMUR 127:3 - Allah Wene Fano Wene Hupla Inane

³ Nit ninagainafuri andi re At Allah nenat wo'nisikherek. At obabut fano andiba ibi-eberogo nen, onggolegat wo'nisikherek.

MAZMUR 127:3 Referans Kwoze

ULANGAN 28:4

Hit hinoba fanothinobagagunem hinagainafuri hokhorogo hilinglagik, hinanggweang oba nen enggen itu mene mondok sik-pik igik, hinanggo kambing, domba uluk pambialhogo hilinglagik ikhi logogin.

1 SAMUEL 1:27

An neak yi re, neisena Tuhan samban oba kino yagatigi a'nogo, Aren nane esanggo holhesik, wo'netemo nen he, omalik yi ebe Tuhan onggwarek faget mondok logouwageluk wogosigilugen waluk wagi o,” iluk yagatikhe. A'nogo mondogat hilingitukwasik, iren Tuhan fogeratukwa.

YESAYA 8:18

An nagainafuri ninom afuni Israel mene nen futninobagauwageluk enegenggere nineisena Tuhan Omame Mondok Hokho mene Andom Sion oba welagarek mene a'nogo nen ninayonggo fuluk la'ninobagai wagama welago ari o.

KEJADIAN 48:4

A'nogo fanotnobagakhi logolik mel yaganetikhe: ”Haren tagongge mene inebe mondok hokho asimbik, inunggulenu hokhorogo hilinglagik, hombalak hokhorogo ta'lagik, ikhi logouwageluk wokheti o. Nen, o yoma haren tagongge mene nen eise asimbik femhogo logoinogen iluk wokhesigin aro, iluk yaganetikhe,” iluk yagatikhe.

KEJADIAN 33:5

At Esau nen hemi inom, yenggerugwi inom omanogo isasikhesik heinok wokhikhi logolik, ”Hat hinom welagep oma sani?” iluk heinok wokhasikhe. Heinok wokhasikhemo at Yakub en yagati logolik, ”Allah endawinggen fano nen an nagainafuri oma wo'netikhemo re it oma re, an nagainafuri o,” iluk yagatikhe.

KEJADIAN 1:28

A'nogo elalinafikhesik, Allah nen fanot fisikhi logolik, mel yagaisasikhe: ”Hiren taginabugun mene o yi awi ti awi eise asimbik it inenggiba logouwageluk, hinebe hokhorogo sik-pik ikhi logolik yi ikan ti ikan inom, yirue-tirue inom, yi mene ti mene ekhe eil ena mene ekhe eil polok mene mondogat hit eise logoino o.

1 TAWARIKH 28:5

Aren he an nanlogomi hokhorogo wo'netesik, an nagainafuri mondogat andoma nen he at Salomo nek he o kerajaan Tuhan it afuni Israel mene omanogo inoe raja logolik melalinafi lagogin mene wenagaisogo fesikhe.

YESAYA 13:18

It inasikhe inandok oba re ap souge mene mondogat inoasugun, iren he omalik fou mene inendawirinafi'lek, yenggerugwi mene inelagaik isigi'lek, weagerinafi logogun.

KEJADIAN 4:1

Hobuk, at Adam agwe Hawa emberek nogo isukwama, he a'nogo omalik a'ma agaikhesik he, eak ap takhasikhe. A'nogo takhasikhesik, aren he, ”Neisena, Tuhan nen lebetniikhemo neak ap takhigi,” iluk enu Kain, salhikhe.

ULANGAN 28:11

O kweang hit wokhisageluk logolik it hinombawi inoba a'nogo wogisagain iluk abok yagaisasikheba omanogo nen hinagainafuri hokhorogo wokhisigik, hinanggo hokhorogo hilinghinobagagik hinanggweang oba nen enggen igisogo sik pililirogo wokhisigik hilinghinobagakhi logogin o.

HAKIM–HAKIM 12:9

Hun Ebzan andi againafuri re amlogomi mene inebe 30 nen, a'logomi inebe 30 nenat welagaukwa. A'logomi omanogo re ap inunggulenu amu mene nen heloageluk wogisasikhe, nen aren he helime tugum mene inebe 30 nenat inunggulenu amu mene at amlogomi inagagwi igisasikheat. Nen, at Ebzan en afuni Israel mene ferinarek werek kwelek 7 tahun welagaikhesik,

2 SAMUEL 3:5

Falfalik mene re Yitream at Daud agwe awi Egla mene a'nogo amlogo. It inebe andoma mondogat he at Daud o Hebron logolik taginafikhe mene.

1 TAWARIKH 8:40

Hun Ulam andi amlogomi lambulogo re sikhe fisogo mene tentara nek logolik he tok inenggi pagat weak mene nek welagaukwa. At amlogomi ogo nen iren tagomangge mene ogo inasikhe inenggi puk mene nek welagaukwa. Nen it inebe lampukhogo re 150 nen welagaukwa. It mondogat andi re ap inunggulenu Benyamin mene inom misik lambulogo welagaukwa.

AYUB 1:2

At againafuri ap inebe 7 nen helime inebe 3 nen welagaukwa.