MAZMUR 126:3 - Allah Wene Fano Wene Hupla Inane3 Eberogo nenat nineisena Tuhan nen, nit faget elalin mene hokhorogo hilingitikhe. A'nogo hilingninafemo andi nen, nit ninendawimo ninagaiyek anggikhi lago. Gade chapit la |
MAZMUR 126:3
19 Referans Kwoze
A'nogo hilingitunem hineilenggen hambik he hiren hobuk hinagaiyek asugun, nen hit hinebe re engga ket wiliferek mene hak asimbik fanorogo welagik, hinomame agik, ugun o. Andiba re An namingmingengge mene re An nomame hilinginafi logogin mene a'nogo enegat hugu welagik, nen An naselei mene re An naniniba hilingfisugu mene omanogo hugu welagik ikhi logogun o,” iluk ikhe.
A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.
Andi sambul afuni nen ikhi logolik, ”Nit ninagap telninabuageluk nenangot hikhi lago mene a'nogo Arenek he eberogo nenat Allah nit nineisena o. Eberogo Tuhan ebe yi aro, At andi niren nenangot hikhi logolik welago mene. Aren nit mondogat ninagap telogo ninobagaikhemo re yogondak niren ninagaiyegeti lago o,” iluk ikhi logogun.
Nen, pulue esa abel utara fikhiren elang paluk weri'lago mene andoma hit hinoba nen silogo lakfisagain o. A'nogo lakfisikhi logolik, fena re o Bini leikwe andoma silogo lakfisigik, nen esa attak mene re, i Laut Mati yenggelek higit andoma loageluk miminginafik, esa logalek hobuk mene re, i Laut Tengah andoma tamakhogo lakfisigik, igin o. Iren hit mondok weagethinafa andi nen he, An nen it inebe mondok a'nogo lakfisamo, wa'lasimbik amben mondok weak mene sang igin,” iluk yagaisasikhe.
Piblisite