MAZMUR 124:4 - Allah Wene Fano Wene Hupla Inane

⁴ Ninaselei mene i fu wagarek hak, waga logolik, wo'ninarek lelep mene.

MAZMUR 124:4 Referans Kwoze

WAHYU 17:15

At malaikat a'nogo nen a'nogo yaganetesik, ekhe mel yaganete: ”At he yanani nilik nikherek mene hangge andi, ebe kain welagarek oba i hegen andi ebe re, afuni mondogat inunggulenu lombok, inagap lombok, inawi lombok, inane lombok mene heilenggen isegen o.

MAZMUR 69:15

An nebe fesi lou'lagenggere'ma ubukhogo pigi hanogoluk heraknobabagun, Harenat telnabin o. Afuni an nebe inabit mene nen weaget nabinogoluk inom, nen i elema ma'lima pigi hanogoluk inom harenat telnafi logoin o.

YESAYA 59:19

At omame werek aple inom, esinet fagarek mene inom he, afuni mondogaren mo eroma nen he, erumbul fikhit andoma huli inailoti logogun. At ebe wagunem he, i eil omamerogo wagarek hak, athe sogoi omame nen i agum foinak lenggak hikherek hak hilingirik wesigin.

MAZMUR 69:2

Allah neisena i mondogat hetok-hetok nalonggop oba lagai waga andi nen he, neisena Haren telnabime o.

MAZMUR 32:6

A'nogo hilingiti lagen andi nen, afuni inebe lombok Hat hoba inailorogo werek mene re, yi enggin ti enggin hikhi logolik, Hat hayonggo fikhi logogun halok, i fu waga logolik, yi mene ti mene sebelherek hak, inebe sebelogo fisagain lego.

WAHYU 17:1

A'nogo higiri'mo nen ombo'ne re, it malaikat inebe 7 nen Allah a'mage i hak hinago waluk kweisalha mene omanogo mene ekhe wagasik mel yaganete: ”It afuni o kota Babel mene, he kain yanani nilik nikherek mene hangge andi, i hokhondek mene esanggoma were'ma, ap kaindek inenupogot kweangma mene nen at pailak hilingitik, afuni ekhe nen anggur enggen amusu nunggu mondok logolik, lugulugwi palharek andi hak, afuni kweangma mene nen at pailak hilingitu mondok welagik, agarek mene andi, Allah nen, he andi wene oba fembik ebe weaget feigeluk aweim kabelhe mene yagahesigen eme o,” iluk yaganete.

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

YESAYA 28:2

Tuhan nen he ap omame logolik along werek mene ekhe lakfei wesigin. At ebere sielu meiso sogenggen inom seberogo pelabi wagarek hak, athe meiso hokho mene i wurogo yi mene ti mene ha'luk lagarek andi hakhogo wesigin. At a'mageba re it inebe kweangma hambokhogo hugisikhi logogin.

MAZMUR 42:7

Nit ninebe afuni nen, wo'ninarek wagaukwama, ap inaiba yoma logolik, nendawinggen warugu welagirek, nendawimo weak agu welagirek. Andi nen an nendawimo nen he, Tuhan hoba ebetu mondok welagi o. Tom Hermon oba nen inom, Mizar oba nen inom i Yordan fanggongkwe fu aninirogo waga logolik ane tungetunem hikhi lagi andi hak weak noba mondok agunem, nendawimo mondok weak welagik, nendawimo heiselhik, igirego.

MAZMUR 18:4

At Tuhan andi re enu hombuk palu higit obaat ayonggo fugu welagimo re, Aren an naselei mene inoba nen fikhalogo wulak nobagali'lago.

AYUB 22:11

O mondogat hubagunem he, hat heilenggen ha re elo'lek. Nen hat hebe re i fu hokho mene nen sebelhabi weri'lago.

MAZMUR 18:5

Wa'lagaikharek mene a'nogo nen he an nebe hanigisogo kwelaknabi weri'lagwi, Nen i yenggelik lagaikherek hak an nebe leget nobagauwogeluk hobet nabi weri'lagwi.

MAZMUR 144:7

Hat hebe pogoroba nen henggi sen nobagai we'luk, i fu weri'lagoba nen lugurogo nobagain o. Ap pok mene andoma inomameba nen telogo nobagain o,