MAZMUR 122:4 - Allah Wene Fano Wene Hupla Inane

⁴ Nineisena Tuhan nen he, ”Hit yi'nogo waga logoino,” iluk isikhe higithogo, At againafuri Aren wenaginafe mene inunggulenu lombok hai wati logouwogeluk o yoma waga logogun.

MAZMUR 122:4 Referans Kwoze

ULANGAN 16:16

Hit afuni Israel mene nen ap mene nek mondogat he tahun misik hinenggi henagan oba obalik At hineisena Tuhan Allah nen wenagaisogo fikheba omanogo At ebe fogerasugun iluk waga logogun. Waga logogun mene andi re, ekhe Linggene Paskah faget a'nogo ebetu sambul, ekhe Linggene Enggen Palek a'nogo ebetu sambul, nen ekhe re Linggene O Sabu a'nogo faget ebetu sambul waga logolik, ap inebe lombogen obaget fugu mene iluk,

MAZMUR 132:13

Tom Sion oba andoma Tuhan hebe logogin oba iluk, wenagaisogo fakhasigin andi nen he, wene yi'nogo waretigin andi.

KELUARAN 23:17

Tahun hundik-hundik oba hiren seni ero henagan mene andem faget isati logolik he, ap mene nek inebe mondogat he, An ineisena Tuhan Allah nambit andogosi waga logogun.

MAZMUR 118:19

An nebe kwi wesimbik, neisena Tuhan fogerati logogin nen he, o Tuhan awi kwe sou ambe palek ari hu'neani o.

MAZMUR 78:68

We Aren he it afuni inunggulenu Yehuda mene inom, nen Punu Sion At endawi hundik mene a'nogo inom enek wenakhasikhe.

ULANGAN 12:11

Nen, At nineisena Tuhan Allah nen hiren At fogerati logogun oba obalik ekhe wenagaisogo fagain andi. A'nogo wenagaisogo fikhe halok, an nen he, yi mene ti mene At wogosugun iluk yagahisigi mene andi mondogat andoma wogosi laga logoino. Andi ebe re: hinanggo warogo At noleti logogun mene faget igi andi inom, yi mene ti mene hit mene hinenggi wenagaisogo, 10 ba asi laga halok, 9 mene hit aga logolik misik 10 mene andi re At faget fisikhi logogun igi andi inom, hiren he, An nen Allah faget huli ti huli wogoti logogin iluk wenagaisogo fikhi logogun mene faget igi andi inom, mondogat waluk andoma laga logoino o.

ULANGAN 12:5

O nit afuni Israel mene hinunggulenu lombok logogun oba andoma nen, nineisena Tuhan Allah fogerati logouwogeluk, At eilhanem andogosi laga logogun oba, Aren obalik ekhe wenagaisogo fagain werego.

KELUARAN 32:15

A'nogo herakfisasikhemo, at Musa nen wene Allah nen komorogo, yi'nogo hilingiti logoino, ti'nogo hilingiti logoino, iluk helep ebe pire meneba palek abel fena-fena wanhikhe mene andi waluk tom oba nen ambotkwe pi wagaikhe.

KELUARAN 16:34

A'nogo yagatikhemo, at Harun nen sumburu Manna a'nogo mene belanga elema kwelagaisogo re, nineisena Tuhan nen, yi'nogo hilingi'no, iluk isikhe hagat fouwogeluk he, Peti Allah nen wene warogo wo'ninafikhe mene iluk werek mene a'nogo elokhoma fei wagaikhe.

MAZMUR 81:6

Aren it afuni Mesir mene inom weim yabigiluk laga logolik he, it afuni Israel mene faget Aren wene melalek ekhe menfesikhe. An nen he inane ekhe an ogo endep ekhe nonggot mene nesanggo holhigi,

MAZMUR 100:4

Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.