MAZMUR 12:7 - Allah Wene Fano Wene Hupla Inane

⁷ At Tuhan nen wene wat nisikherek mene andi re mondok omame logolik, no perak endu oba inenggi 7 nen wera'luk weak mene herakfisikhi logolik ebe mene nek wanharek a'nogo hak hilingi'mo re, niren andiba ninendawinggen tipsek logolik logogun fano.

MAZMUR 12:7 Referans Kwoze

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

MAZMUR 145:20

It afuni At oba inendawi hundik werek mene re, Aren kagalinarek werek. Oba nen he, afuni inobabut weak mene re inebe leget fisikherek.

MAZMUR 121:8

Hat wesigiluk wagunem inom lageluk lagunem inom Aren kagalharek logolik yogondak inom hobuk inom, setharek mondok logogin o,” iluk wuni watukwa.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

MATIUS 3:7

A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

YESAYA 27:3

An Tuhan nebere halhu mene logolik, hundik-handik i kweisalhu mondok welagirek, It ekhe nen menggelinogoluk lingge hundik hup hundik An nen kagalek mondok welagirek.

MAZMUR 37:28

At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.

MAZMUR 16:1

Allah neisena, an he Hat hawea'ma kuluk welagimo re, kagalnarek logoin o, neisena.

MAZMUR 10:18

It yenggerugwi suarek mene inom, afuni sebelogo fisagarek mene inom inawene re, afuni nen it inoba inailo mene hilingfisanogoluk he Harenat inebikhit aga lagen.

ULANGAN 33:3

Eberogoat nineisena Tuhan he againafuri endawi welagarego. Afuni Aren wenaginafe mene nek inebe lombok mondogat ferinarek welagarek. Nit at awe a'ma nineindep awi yagaisogo nen fogeratik, Aren, yi'nogo hilingiti logoino, ti'nogo hilingiti logoino, iluk yaganisasikhe wene andi hologo higithogo hilingitik, ikhi logouwogo.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

MAZMUR 18:31

At Allah nen hilingiterek mene andoma re mondok fano mene nek hilingiterek, nen Aren wene watnisikherek mene andi re munenherek le'ma re eberogo nek anggikhi l ogogun. At ebe inalong palengge were'ma re it afuni mondogaren At a'ma kuluk logogun. Nen At ebe tok kwe palengge hak a'luk logogin.

MAZMUR 19:9

Tuhan nen wene melalek hilingitu mene fesikhe andoma re higithogo nek fesikhe, nen iren higithogo hilingitunem he inendawimo inagaiget fikherek. At Tuhan nen yi'nogo hilingiti logoino iluk isikhe mene andoma re higithogo nek fesikhe, afuni futfouwageluk hilinginaferek mene fesikhe.

MAZMUR 119:140

Haren wene watnisasigin mene andi re mondok omame hilingi'mo re andiba eberogoat anggogorek, an he mondok nendawi hundik welagi.