MAZMUR 119:85 - Allah Wene Fano Wene Hupla Inane

⁸⁵ It afuni Hat hawene melalek oba hologo hilingiri'lagwi lek mene omanogo nen, an neisok taganhogo puageluk kweang habuli'lagwi.

MAZMUR 119:85 Referans Kwoze

AMSAL 16:27

Ap weak hilingitarek mene nen he inagaila'lak ekhe weaget fisouwogeluk ninghogo hilingitarek. Inane ugunem he endu aik hangge mondok weak.

MAZMUR 35:7

Iren an hele watnabugun mene iluk nobaget hele webetik, kweang pogole habulhik, hilingiri'lagwi andoma re we elalinat hilingiri'lagwi.

YEREMIA 18:20

An nen fano mene hilingfisugu kwelek iren inanini an noba fouwogeluk hilingiri'lagwi andi re hilingisuba hilingiri'lagwi a? Andiba nen an kweang pogole habuli'mo puageluk habulfili'lagwi andi. Neisena, An nen he it inoba Haren hanini fegen hanogo iluk Hat helokhoma nen inebikhit aga lagi mene a'nogo ebetnean o.

MAZMUR 119:78

It ap winik-wonok agarek mene nen an nabok weagerogo fugunem he it inenggali asuak, oba nen an enek he Haren wene yi'nogo hilingiti logoino ti'nogo hilingiti logoino iluk isigin mene andi nek nendawimo ebetu mondok logogin.

MAZMUR 7:15

Hani, ap weak hilingiri'lagwi mene nen he, weak hilingisugun mene nek hilingiri'lagwi andi. Wene weak mene nek melalfuluk he inebeba nen ineranhogo mene nek hilingiri'lagwi.

MAZMUR 36:11

It afuni Hat hebe inelu mene halok he Haren hendawi hundik mondok logoino, nen it inendawimo higithogo nek hilingiri'lagwi mene andoma re fanorogo nek hilingfisikhi logoino.

YEREMIA 18:22

Ap inanini mene esa logalogo ferekhogo it inawi lokwe wagunem it inailo asuakhogo miming inabin o. An pule puageluk iren pogole habulhik, ele'ma ke'nok uageluk hele webet nobagagik ili'lagi andi.