MAZMUR 119:81 - Allah Wene Fano Wene Hupla Inane

⁸¹ Haren an nagap telnabi we'lep iluk an nendawimo warikhi logolik welagi, an he Haren wene watnetigin mene a'nogoba eberek logolik welagi.

MAZMUR 119:81 Referans Kwoze

MAZMUR 84:2

Neisena Allah, Homame Mondok Hokho mene! Hat hebe welagen oba andoma re nendawinggen yamukhogo werek oba welagen o.

MAZMUR 119:40

Haren wene tekhogo fesigin mene a'nogo nek hologo hilingiti logogin iluk nendawimo omamet figimo re, Haren neluk ket mene wo'nomo.

MAZMUR 73:26

An nebe inom, nendawinggen inom maben agirek meneat he, an nomame kwela'nafu mene re neisena Allah hebeat welagen o. Yi mene ti mene eise logou hak he, hat hebeat eise mondok-mondok asimbik logogin.

KIDUNG AGUNG 5:8

Yago, hit Yerusalem helime yoma, hiren an nendawi hundik mene andi hinom ambi asimbik halok he, at he hat faget endawinggen ninggemo oba ou agasik ou wili'logo iluk yagasubagaigen he wene watne'ni o.

MAZMUR 119:114

We Harenat an nebikhit agik, hawe a'ma fetnarek welagik, hilingiti lagen, an he Haren wene watnisasigin mene omanogoba nek eberek welagi.

MAZMUR 119:77

Hat hawene melalek andi nen he an nendawimo agaiyeget fugunem, Haren hendawi neagain oba an neluk ekhe inom logogin o.

MAZMUR 119:74

An he Haren wene watnetigin mene andiba nek eberek welagimo re, it afuni wene melalek futfuluk hilingiri'lagwi mene nen, an ineilenggen nealuk he inagaiyek asugun o.

MAZMUR 119:42

An he Hat hane palek a'nogoba tiphogo hilingiti lagimo re, andiba it afuni nen an inabiret nobagainogo re, onggo yagaisikhi logogin.

MAZMUR 119:20

Hat hawene melalek andi linggene hundik-handik kumuthugu mene faget he, an noba liongorogo nendawimo mondok fulung hugunem welagi.

AYUB 19:27

It ekhe nen hambik yaganesugun lek. Meneat he, we, an nonggwarek neilenggen tomok hagain o. Nen an ninom he At andi re enggawe mondok fano mene o.

MAZMUR 119:41

Tuhan neisena, Haren an hendawi hundik hilingnafi lagen mene andi inuk nean o, Haren wene watnisasigin higithogo nagap telnabin.

MAZMUR 119:43

An he Haren wene tekhogo isigin mene a'nogoba nek nendawinggenma eberek welagimo re, an nen nane eberogo mene nek ikhi logogin nen lebetnean o.

MAZMUR 130:5

Neisena Tuhan nen, ”Yi'nogo hilinghabigin,” iluk wene wa'netigin mene andi, eberogoat hilingnabigin iluk, nenangorogo eberek welagirek.