MAZMUR 119:5 - Allah Wene Fano Wene Hupla Inane

⁵ An nendawinggen hambukhogo logolik, Hat hawene melalek a'nogoba nek higithogo hilingirik laga logogin logouwak.

MAZMUR 119:5 Referans Kwoze

MAZMUR 51:10

Haren nendawimo weak hilingisogo fegen mene andi, hobuk fanotnafunem nendawimo nagaiyek asimbik, fano wene andi nesanggo holigen he Harenat yagane'no o.

2 TESALONIKA 3:5

Hit hinendawimo nen he: ”At Allah nen he nit ninebe endawi hundik werego,” iluk fut figik, hinobabut Kristus ebe hombunhogo hilingiti lagaikhe hak, obabut waganogo ekhe inomat hokhorogo hilingiti logobagaigen, ninoe Enupogot ebe hinendawirogo logolik, hinendawimo ebethisikhi logouwago.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

MAZMUR 119:36

An nenggi werek agu mene andi re we sebelek hak hilingik kwelek, Haren yi'nogo hilingiti logoino ti'nogo hilingiti logoino iluk komotninobagasigin mene andi nek hologo hilingiti logogin nen he, nendawimo omamet nobagain o.

MAZMUR 119:32

Haren an wene ekhe inom futfouwageluk hilingnobagakhi lagenma re, nendawimo nagaiyek oba Hat hawene melalek a'nogo furogo hilingiti logogin.

MAZMUR 119:173

An he Hat hawene melalek andi nek murok laga logogin iluk wenakhasigimo re, Hat hendawi fano nen an lebetniikhi logogin logouwak.

MAZMUR 119:159

Tuhan neisena, an nen Hat hawene melalek a'nogoba nendawi hundik welagi mene andi heilenggen nean o, Hat hendawi hundik a'nogoba nagap telnabin.

MAZMUR 119:131

Hat hawene andi faget nendawi ou niugunem he, nambele anghogo nendawimo set lagapu hilingiti lagi.