MAZMUR 119:2 - Allah Wene Fano Wene Hupla Inane

² It afuni Tuhan nen yi'nogo hilingi'no ti'nogo hilingi'no iluk ikherek mene a'nogo higithogo hilingitik, nen inendawinggenma nen inom inebe abirengge nen inom At Tuhan ebe herasugun iluk ninghogo herakhigik, hilingiri'lagwi mene andoma re inagaiyek hikhi logouwak.

MAZMUR 119:2 Referans Kwoze

YEREMIA 29:13

Nen hiren hinendawinggenma eberogo nenat An heinok wo'nabimbik An nebe hera'nabik wesugun halok, hiren An ninom elok ambi asugun aro.

MAZMUR 119:10

An nebe nendawinggen abirengge nen Hat hebe nelu asuageluk hilingiti lagi, Hat hawene fano wene melalogo werek mene a'nogoba nen taganhogo wulibi lagi hanogoluk heraknobagagun o.

ULANGAN 4:29

A'nogo hilingiti logombik, hinendawinggen misigat a'luk hineisena Tuhan Allah herarik wesugun halok, At hinom elok ambi asugun aro.

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

YEHEZKIEL 36:27

An nareagun he hit hinendawinggenma hambuget hinafu mene logouwageluk wokhisagain, nen hiren An Nawene melalek higithogo hilingiti logolik, An Nawene yi'nogo ti'nogo hilngiti logoino iluk yagahisasigi mene omanogo hologo higithogo hilingiti logouwageluk An nen hit halogo hinobagagin.

AMSAL 23:26

Namlogo e! Hendawinggen oba nen an hilingitirek mene fanorogo futfuluk, an nobabut waganogo hilingiti logoino.

ULANGAN 6:17

At nineisena Tuhan Allah nen wene komotninafe mene andi mondogat hologo higithogo hilingiti logoino o.

2 TAWARIKH 31:21

Aren he O Tuhan Awi wurik a'nogo faget hilingiti logolik ogo, athe Tuhan Awene melalek werek mene a'nogo faget hilingiti loglik ogo, eisena Tuhan Allah a'nogoba mondok endawi hundik logolik, endawinggen oba himbirik logolik hilingiti lagaikhemo re ambisangma mondok fano mene nek asi laga lagaikhe.

1RAJA-RAJA 2:3

Tuhan nen yaganisasikhe mene andiat higithogo hilingiti logoino o. Hat he, we, o koma laluk, yi mene ti mene hilingitunem elok enek aga logouwagaluk, wene Allah nen, yi'nogo hilingiti logoino, ti'nogo hilingiti logoino, iluk wene isa hilingisogo komotninafikhe wene, Musa nen lisu palogo fesikhe mene a'nogo hologo higithogo hilingiti logoino o.

ULANGAN 6:5

Hinendawinggen inom, hinobabut inom, hinomame inom, misigat asimbik, nineisena Tuhan Allah hinendawinggen hundik logoino o.

MAZMUR 119:22

An he Hat hawene fano wene yi'nogo hilingiti logoino, ti'nogo hilingiti logoino iluk melalogo fesigin mene a'nogo hilingiti lagimo re, it afuni andoma nen an sebelogo nobagagik, inane mulmul enek noba weagerogo figik, ili'lagwi mene andomaba nen lologo nobagain o.

MAZMUR 119:146

An nagap telogo nobagainogen iluk Hat henu hombuk palhafi lagi o, an he Hat hawene melalek andiat nenggi pukhogo fisogo logogin.

1 TAWARIKH 22:19

Enggere, hiren hineisena Tuhan Allah ba nek, hinendawinggen inom, hinebe inom mondok abirengge At oba nek eberek logolik hilingiti logoino. Peti Tuhan nen Wene warogo wo'ninafikhe mene a'nogo inom, samban uogeluk kabogeti logolik, hilingitu mene yi mene ti mene omanogo inom, o wuri'mo andoma fikhi logogun nen he, Tuhan Awi andi wusugun mene erora'ni,” iluk yagaisasikhe.

MAZMUR 119:17

An nebe neluk ekhe inom welagik, nen Hat hawene fano wene yaganeti lagen mene a'nogo hologo hilingitik, ikhi logogin nen he, Haren an hamingmingengge yi noba hendawit nabin o.

MAZMUR 119:33

Tuhan neisena, Haren wene tekhogo unggul warogo fesiginmo werek mene andi an nen o wurep kobokhogo andoma higithogo nek hilingiti logoiyogen he, Haren yaganeti logoin o.

MAZMUR 119:34

Hat hawene melalek andi an nen hologo hilingiti logolik, nendawimo amu mene ekhe eberek legengge hilingiti logoigen he, Haren nendawinggen wenggelek mene hilingnobagain o.

MAZMUR 119:57

Tuhan neisena we Hat obaget enek an nendawi mene hilingik welagi, Haren yaganeti lagen mene andoma an nen hilingiti logogin iluk wene watheti.

MAZMUR 119:69

Ap wonoget fakhagarek mene nen he an nenu weagerogo fili'lagwi, meneat he an he Haren wene tekhogo fesigin mene a'nogo nendawimo mondogaren holfuluk higithogo nek hilingitu welagi.

MAZMUR 119:88

An nen Hat hawene melalek andi hologo nek hilingiti logogin nen he, Haren hendawi hundik mondok welagen mene a'nogoba nagap telnabin o.

MAZMUR 119:101

An he wene Haren yaganetu mene andiba nek hologo hilingiti logogin iluk he, inobabut mondok kwanirogo hilingitarek mene andi re mondogat agaiserati lagi.

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.