MAZMUR 119:163 - Allah Wene Fano Wene Hupla Inane

¹⁶³ Ineranhogo wene lalinafarek mene andoma mondogat he an nen nabit isigirek, oba nen he Hat hawene melalek enek he nendawirogo hilingiti lagi.

MAZMUR 119:163 Referans Kwoze

MAZMUR 119:128

Andiba an he Haren yi'nogo hilingiti logoino iluk yaganisegen mene andoma higithogo hilingiti logolik inobabut kwanirogo hilingiri'lagwi mene andoma re an nen nabiret fisikhi lagi.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

MAZMUR 119:29

Haren fano mene nek hilingnobagakhi lagen mene andiba re, an kwe kwanirek meneba la nogoluk Haren ogalnobagakhi logoin, Hat hawene melalek andi nek yaganeti logoin.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

AMSAL 30:8

An nen neranhogo wene inom, homan fisagarek awene inom igi hanogo, nen an nen nenggi werek asuageluk inom nenggi lek asuageluk inom obokhogo herak nobagau fuk. We an nendawimo namolo mene higithogo hilingnobagagin fano.

MAZMUR 119:113

An he Hat hawene melalek andiba nendawirogo welagimo re, afuni inendawimo seramet fuluk Hat hoba tiphogo hilingiri'lagwi lek mene andoma re an nen mondogat nabiret fisikhi lagi.

MAZMUR 101:7

Ap ineranen wene agarek mene re An nailoba logogun mondok lek, afuni inane nomo-nomo mene re An nelokhoma aninurogo logou lek hak.

MAZMUR 119:47

Hat Hawene melalek andi re an nendawi hundik hilingik welagimo re, an he Hat hawene melalek andi hilingitu mene faget nagaiyek welagi.

MAZMUR 119:104

Hat hawene melalek andi nen he an mondogat nendawimo hebelek mene hilingnobagagunem he, inobabut mondok hena-hena hilingitarek mene andi re an nen mondogat nabit anggikhi lagi.

AMSAL 13:5

It afuni ekhe inobabut higithogo hilingitarek mene andi re, it ekhe ineranen wene lalinafarek mene andi inabit welagaikharek. Nen, it ekhe inobabut mondok weak mene andi re, inenggali asu mene hilingitik, inonggwarek inenu weagerogo fakhigik agarek andi.