MAZMUR 119:16 - Allah Wene Fano Wene Hupla Inane

¹⁶ Haren hawene melalek menfegen mene andomaba re an nagaiyek mene hilingnobagali'lago, nen Haren yaganeti lagen mene andoma an nen nonggot asigin lek.

MAZMUR 119:16 Referans Kwoze

MAZMUR 119:24

Haren wene yi'nogo hilingiti logoino ti'nogo hilingiti logoino iluk menfesigin mene andi re, an komotnafu mene fesiginmo re, nendawimo nagaiyek mene nek hilingnobagali'lago.

MAZMUR 119:47

Hat Hawene melalek andi re an nendawi hundik hilingik welagimo re, an he Hat hawene melalek andi hilingitu mene faget nagaiyek welagi.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

AMSAL 3:1

Wene an nen yagaheti lagi mene andoma re honggorasu fugo, namlogo. An nen wene melalek yagaheti lagi mene andoma eberek mondok logogin halok he,

MAZMUR 119:35

Haren yi'nogo hilingiti logoino ti'nogo hilingiti logoino iluk yaganisikhi lagen mene andi re, an he mondok namolongge hilingi'mo re, an nen ninghogo fisogo logou hago.

MAZMUR 119:176

An he domba longgo ikherek hak longgo igirik logolik, Hat hawene melalek a'nogo taganet figi'lek welagi andi nen he, Hat hebe we'luk an hamingmingengge yi herak nabime o.

MAZMUR 119:141

An yi re we yenggerugwi higit logolik sebelek welagi, oba nen he wene Haren yaganeti lagen mene andi re ekhe taganet fikhi lagi mondok lek.

MAZMUR 119:109

An he, nebe neiloak legasu hakhogo nek hilingiti lagi, oba nen an he Hat Hawene melalek andi re nonggorasu lek hago.

MAZMUR 119:83

Nagap he iwak songgopnorek mene hangge ari'lago, oba nen he Haren wene menfegen mene andi re an nonggorasigin mondok lek.

MAZMUR 119:77

Hat hawene melalek andi nen he an nendawimo agaiyeget fugunem, Haren hendawi neagain oba an neluk ekhe inom logogin o.

MAZMUR 119:70

It ap ariginik mene andoma nen he futfili'lagwi lek, oba nen he Hat hawene melalek andiba nek he an nendawimo nagaiyek mene hilingnobagali'lago.

MAZMUR 119:14

Afuni nen inangge yi mene ti mene fetaluk welagaikharek higit he, Hat hawene melalek higithogo hilingitu mene andi faget nagaiyek welagi.

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 119:61

Afuni inobabut weak mene nen he an nobaget hele web eri'lagwi, oba nen an he Hat hawene melalek a'nogo nonggot aga lagi lek.

MAZMUR 119:143

Enggin-fenggin inom, yi'nogo ti'nogo hilingisu elo'lekhogo inom, noba asi weri'lago, oba nen he Wene Haren menfesigin mene andoma nen an nendawimo nagaiyek mene hilingnobagali'lago.

MAZMUR 119:153

Hat hawene melalek a'nogo an nen ekhe herakfigi'lek hilingiti lagi andi nen he, an weak welagi mene andi heilenggen kumutnealuk nagap telnafi logoin o.

MAZMUR 119:174

Haren inagap telinafi lagen mene a'nogoba nagap telnabilen iluk nendawimo anggikhi logolik welagi, Hat hawene melalek andi nen an nendawimo agaiyek mene hilingnobagali'lago.

AMSAL 21:15

Higithogo hilingitarek mene andi nek hilingirik lagu halok he, andiba ap fano hilingitarek mene inagaiyek hagarek, oba nen ap inobaharo mene re nit ninabok pali'lagwi iluk hambuk haluk welagaikharek lek.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.