MAZMUR 119:118 - Allah Wene Fano Wene Hupla Inane

¹¹⁸ Afuni Haren wene menfegen mene a'nogoba nen taganhogo hilingiri'lagwi mene re woginafi lagen mondok lek. Iren inaneba ineranen wene ili'lagwi mene andi re we tulemat mene ili'lagwi.

MAZMUR 119:118 Referans Kwoze

MAZMUR 119:10

An nebe nendawinggen abirengge nen Hat hebe nelu asuageluk hilingiti lagi, Hat hawene fano wene melalogo werek mene a'nogoba nen taganhogo wulibi lagi hanogoluk heraknobagagun o.

MAZMUR 119:21

Haren he it afuni Hat Hawene melalek taganhogo hilingiri'lagwi mene re inenggali watik, nen afuni winik-wonok agarek mene inoba re homan ikfisigik, ikhi lagen.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

EFESUS 4:22

Attak he, hinendawimo yi namolo ti namolo anggikhi lagagip andi nen he, lalhinafunem he, hinebe alomat lakhikhi lagagip andi nen he, hinobabut attak mene andi herakfisano o.

MAZMUR 119:29

Haren fano mene nek hilingnobagakhi lagen mene andiba re, an kwe kwanirek meneba la nogoluk Haren ogalnobagakhi logoin, Hat hawene melalek andi nek yaganeti logoin.

1 YOHANES 2:21

An nen wene lisu palogo hinoba lakfei wagi andi re, ebe wene hinonggoren fuk. Hinelu welagep andi nenat lakfei wagi o. Nen, ineranen agarek andi ero re, Allah ebe nen fuk. Ero hunogoat, iluk ineluaro.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

LUKAS 21:24

Afuni fena re, karok oba inoatik, fena re, hele warogo o yi awi ti awi fisa lagik, ugun o. Nen, o kota Yerusalem ari, afuni endakwe mene ineisogen alperelogo fembik, o sebeli kwi wesimbik logogun meneat he, mondok sebelek logogun lego. We, Allah nen, It afuni endakwe mene, o Yerusalem huli andi hulibaat sebelek logogun, iluk anggasikhe higithogoat logogun o,” iluk Yesus nen yagaisasikhe.

MALEAKHI 4:3

O andi sambul he, An nomamerogo hilingitunem he, hiren afuni weak hilingitarek mene andi mabenet fisamo re, it inebe re ogoilong engge hakhogo hineisogen alperelogo fisogoin.

YESAYA 63:3

Tuhan nen onggo ikhi logolik, ”An nagainafuri ekhe nen lebetniigi'lek, we, namuat anggur enggen sagalharek oba andoma kwigirik, na'mage afuni inunggulenu lombok inoba figirik he, anggur enggen sagalharek andi hak, inebe neisogen alpiril perelhogo inoatimo it inamep he singgiringgi palogo An nasu bene wagama re, An nasu mondogat emerogo fikhe andi o.

YESAYA 44:20

A'nogo hilingiri'lago mene andi re wul age nenggarek andi hakhogo hilingiri'lago. Ap andi re onggwarek weakhogo wenggeli'lago andiba lalfakhugunem he at oba lebetha lekhak ari'lago. Aren he e alik waganogo enggiba werek mene andi re lalnabi'lagongge werek iluk he fut fili'lago lek.

YESAYA 25:10

Tuhan enggi Punu Sion oba sebelek logogin, oba nen Moab he gandum enggen ineisogen perelharek hak alperelogo fogoin.

MAZMUR 95:10

A'nogo hilingitu were'ma 40 tahun huli logolik he, An nen it inobaget hebak naferogo kumurisikhi lagagisik, An nen ikhi logolik he: ”Ibi eberogo nen afuni inunggulenu yi inap he inendawinggen An noba tibet fuluk hilingiri'lagwi lek! An nen yi'nogo hilingiti logoino ti'nogo hilingiti logoino iluk yagaisikhi lagi mene a'nogo sagal fuluk enek hilingiri'lagwi.

MAZMUR 78:57

Athe it inombawi nen Allah inonggoret fuluk hilingiti lagaukwa hakhogo nek hilingiti logolik he, inobabut sikhe ebe kwanirek mene hakhogo logolik, iren hilingitu aple andoma ebe mene ekhe hilingiri lagwi iluk angga fuk mene omanogo nek hilingirik laga lagaukwa.

WAHYU 14:20

Nen, anggur enggen palek and o sili abel endakwe sagalhunem he, enggen sagalharek mene andi anggele'ma nen, mep i elesi higit fulogumhogo huli 2 meter hakhogo lagaikhesigen, hurogo re, huli 300 kilometer yatmaat andoma lagunem yethigi o.

AMSAL 12:20

Ap wene weak mene hilingisugun iluk hilingitarek mene andi re wene higithogo hilingitarek mene re inabit welagaikharek, ap fano mene hilingi'le e. iluk walhikherek mene halok he hobuk agaiyegasigin.