MAZMUR 119:102 - Allah Wene Fano Wene Hupla Inane

¹⁰² An he Haren enek yanggulneti lagenma re, Hat hawene melalek andoma an nen ekhe herakfikhi lagi lek.

MAZMUR 119:102 Referans Kwoze

MAZMUR 18:21

An nobabut oba eberogo mene nek hilingiti lagimo re At Tuhan nen onggo higithogo nek hilingnobagali'lago, nen an weak mene ekhe hilingiti lagi lek andi nen he Aren an fanotnobagali'lago.

1 YOHANES 2:27

At Kristus nen Allah Areagun wokhisasikhemo hinendawimo logolik, yi mene ti mene faget, eranen yagahisigi'lek, eberogoat enek yagahisili'logo andi nen he, afuni ekhe nen wene hit yagahisogoin elo'lego. Wene at Allah nen yagahisili'logo mene andi higithogoat hilingiti logolik, Kristus hinom hundik mondogat logoino o.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

AMSAL 5:7

Andi faget he hit nagainafuri yi, an nane andi sagalogo herak fisigi'lek furogo holhi logoni.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

YEREMIA 32:40

An nen wene mondok-mondok wasigin mene andi re it ninom wasugun. An nen it inoba fanorogo hilingfisugu mene andi re palfagain lek. Iren An oboget nealuk lanogoluk he inendawinggen abirengge nen An noba inailorogo welagik, esinet nobagaluk legeisogo nobagagik, hilingiti logouwageluk hilinginabigin.

AYUB 36:22

At Allah andi re Omame Mondok Hokho mene werek a'nogo hendawi wenggel han. Ap guru welagaikharek mene ogo At higit ekhe werek lek.