MAZMUR 119:10 - Allah Wene Fano Wene Hupla Inane

¹⁰ An nebe nendawinggen abirengge nen Hat hebe nelu asuageluk hilingiti lagi, Hat hawene fano wene melalogo werek mene a'nogoba nen taganhogo wulibi lagi hanogoluk heraknobagagun o.

MAZMUR 119:10 Referans Kwoze

MAZMUR 119:34

Hat hawene melalek andi an nen hologo hilingiti logolik, nendawimo amu mene ekhe eberek legengge hilingiti logoigen he, Haren nendawinggen wenggelek mene hilingnobagain o.

MAZMUR 119:2

It afuni Tuhan nen yi'nogo hilingi'no ti'nogo hilingi'no iluk ikherek mene a'nogo higithogo hilingitik, nen inendawinggenma nen inom inebe abirengge nen inom At Tuhan ebe herasugun iluk ninghogo herakhigik, hilingiri'lagwi mene andoma re inagaiyek hikhi logouwak.

MAZMUR 23:3

At awene melalek ikhe mene higithogo re, Aren an ekhe inomat nomamet figik, kwe eberogo meneba wo'narek lagik, ikherek.

2 TAWARIKH 15:15

Iren he hombuk palho mene andi ninedawimo nen eberogoat hilingito iluk he, it afuni Yehuda mene mondogat inagaiyegetukwa. A'nogo hilingiti logolik he iren Tuhan obaget wene kabogetu mene faget ogo inagaiyekhogo hilingiti lagaukwama re At Tuhan nen ogo it woginafu aple endawimo agaiyek a'luk he, it inawi werek oba wilayah omanogoba inendawimo youk legengge inailo legengge logouwageluk hilingfisasikhemo welagaukwa.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

MAZMUR 119:133

Haren wene watnisasigin mene a'nogo higithogo an neisok peikhogo warigi hanogoluk omamet nobagakhi logoin, Weak mene nen an sebelnarek logoinoluk oboget nea fuk.

AMSAL 21:16

Ap inelu mene nen inebe fano welagaikharek mene a'nogo higithogo mu'luk lagu lek halok he, eberogo nen at ebe kweangma afuni wa'la'luk lagaikharek oba lili'lago.

MAZMUR 119:118

Afuni Haren wene menfegen mene a'nogoba nen taganhogo hilingiri'lagwi mene re woginafi lagen mondok lek. Iren inaneba ineranen wene ili'lagwi mene andi re we tulemat mene ili'lagwi.

MAZMUR 119:21

Haren he it afuni Hat Hawene melalek taganhogo hilingiri'lagwi mene re inenggali watik, nen afuni winik-wonok agarek mene inoba re homan ikfisigik, ikhi lagen.

KOLOSE 3:22

Hit inamingmingengge mene nerugwi nagaila'lak. Hinogogwi kweangma mene nen, yi mene ti mene hilingisuageluk ugunem, inebe ineilhanem halok inendawimo fanorogo hilingitik, inebe le'ma halok kamo igik, ikhi logogubo. Athe, ninoe Enupogot hinailorogo hinendawinggen misigat logolik, hinogogwi andi inane hologo hilingfisikhi logoino o.

YEREMIA 3:10

Andoma mondogat a'nogo hilingiti la'luk Yehuda tiphogo hilingiterek lek mene andi re endawinggen amurek logoligen yamdalonhogo sugulogo An nambit weri'logo o. Iluk An Tuhan nen nane arat igi andi,” iluk yaganete isikhe.

AMSAL 2:13

It he fanorogo welagaikharek mene andi murok lagi'lek mumkwe lagaikharek mene andi inom, weak hokhorogo hilingitarek mene andi inom wenakhaluk he,

MAZMUR 125:5

Oba nen he it afuni lalogo hilingitarek mene inom, it afuni kwanirogo hilingitarek mene inom At Tuhan nen unggum inoba fagain logouwak. It afuni Hat hagainafuri mene omanogo inebeba fanorogo nek logouwak!

MAZMUR 78:37

Iren he At oba tiphogo hilingiti lagaukwa lek, nen At Awene melalek a'nogo inendawimo eberek logolik higithogo hilingiti lagaukwa legat.

MAZMUR 119:176

An he domba longgo ikherek hak longgo igirik logolik, Hat hawene melalek a'nogo taganet figi'lek welagi andi nen he, Hat hebe we'luk an hamingmingengge yi herak nabime o.

1 SAMUEL 7:3

A'nogo yagati lagaukwama, at Samuel en he, mel yagaisasikhe: ”Hit nineisena Tuhan oba hinambotkwe wesimbik, hinendawinggen misik a'luk Arenek fogerati logogun halok he, afuni endakwe mene inandugwi kembu he mene enu Asytoret andi oba fogerati lagep mene andi herakfisaluk, hinebe nineisena Tuhan amuat wogo'no o. At faget enek hilingiti logogun halok, hit hinebe afuni Filistin mene nen fethinarek werek andi Aren telhinabigin o,” iluk yagaisasikhe.

1 YOHANES 2:15

Mene re, afuni kweangma mene inobabut hilingitarek mene andi inom, yi mene ti mene kweangma welagarek mene andi inom, hinendawinggen tulemhogo logogun mondok lego. Ap sa nen it afuni kweangma mene inobabut hilingitarek mene andi, endawinggen tulem welagarek halok he, nineisena Allah endawinggen tulem welagarek mondok lego.

MATIUS 6:24

A'nogo yagaisasikhesik he, ekhe mel yagaisasikhe: ”Andi hak he, ap misigat mene ap kaindek inebe pire mene inamingmingengge logolik ineabu hilingiti logogun mondok elo'lego. A'nogo logogin halok he, at inamingmingengge andi nen: Neisena ekhe yi fano nendawi. Nen, ekhe andi weak nabit, iluk ikhi logolik he, endawi mene andi emberek lomborogo logolik he, ekhe abit mene andi aberalit fikhi logogin o. Andi hangge, hit he, Allah amingmingengge logolik, uang amingmingengge logogun elo'lego.

HOSEA 10:2

Yogondak he afuni henarogo hilingiri'lagwi mene andoma it inaweak onggo ambisangma hogoin. Allah nen he iren mezbah wuta mene andoma wolelenggenhogo lakfisambik iren tugwi kembu fogerari'lagwi kwe andoma meisalogo lakfisagain.

MAZMUR 119:69

Ap wonoget fakhagarek mene nen he an nenu weagerogo fili'lagwi, meneat he an he Haren wene tekhogo fesigin mene a'nogo nendawimo mondogaren holfuluk higithogo nek hilingitu welagi.

MAZMUR 119:58

Haren an hendawi neoageluk an nendawinggen nebe inom mondogaren kino ikhi lagi, Haren wene warek fesigin mene higithogo an hendawitnabin.

YEHEZKIEL 34:6

Andiba re An nen mene domba omanogore punu uan meneba inom, tom ebene inom andoma yugunat nikherek. It he o kweangma mondogat sagare'ma re ap misigen ogo futfisigik, heraginafik ili'lagwi lek.