MAZMUR 118:7 - Allah Wene Fano Wene Hupla Inane

⁷ At Tuhan he an lebetneageluk an nebikhit welagarek andi nen he, it naselei mene mabenet fisugunem andoma re, neilenggen isagain.

MAZMUR 118:7 Referans Kwoze

MAZMUR 59:10

An nebe nomame re we Hat hamu welagenma re, an he Hat hoba nek eberek mondok welagi, Neisena Allah Hat he an naleget waganek welagen.

MAZMUR 54:4

Neisena Allah an nen kino yagaheti lagi mene andi re nane hesanggo holnobagakhi logoin o, Hendawimo fanoba an nane ikhi lagi mene andi fut nobagakhi logoin.

MAZMUR 54:7

At he an noba tiphogo nek hilingnaferek andi nen he, Arenat it an naselei mene andoma inonggwarek inaweak oba wene inoba fuluk inebe mondok leget fisagain o.

MAZMUR 55:18

Linggene inom hubanggo inom, hundik-handik enu hombuk palhi logolik le agu mondok were'ma, Aren an nane hologo hilingnaferek.

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MAZMUR 92:11

Haren he an nebe no banteng eil polok mene omame welagarek hakhogo hilingnobagasigin, nen an nebeba nagaiyek mene nek fanotnobagagik isigin.

1 TAWARIKH 12:18

A'nogo yagaisasikhemo it inanggele'ma aremnogo nen ap misik enu Amasai, hun andi hobuk it ap esa Tridasawira inoe kepala asigin mene a'nogo nen re, Allah areagun oba louk isikhesik aren ikhi logolik he, ”Daud hun Isai amlogo yi! Nit he hat hebikhit mene wago o! At Allah hat hebikhit werek andi nen he, hat hebe inom, hat hagoromi lebethiili'lagwi mene andoma inomen hilingiti lagep mene andoma re ambisangma fano mene nek aga logouwago,” iluk yagatikhe. A'nogo yagatikhemo re, at Daud en it a'nogo woginafikhesik agoromi perwira weim yafu mene faget inogogwi logouwageluk menfisilik lagaikhe.

MAZMUR 54:6

oba nen he At Allah re an lebetnaferek mene werek, Tuhan andi re an nili wo'naferek mene werek.

MAZMUR 59:11

An neisena Allah obabut fano nen endawit napluk he, an nambit weri'lago, nen Aren he it naselei mene omanogo mabenet fisugunem an neilenggen hoageluk hilingnobagali'lago.

YESAYA 41:13

An he hat heisena Tuhan Allah welagi o, henggi ebekwe fetharek welagi mene, An nen ikhi logolik, ”Hailosu fugo, An nen lebethiikhi logogin,” iluk isikhe.